تۇركىستان وبلىسىندا قوس قايعىلى وقيعا بولدى: ەكى باۋىر سىرداريا وزەنىندە سۋعا باتىپ كەتتى، دەپ حابارلايدى infohub.kz سايتى.
كتك تەلەارناسىنىڭ مالىمەتىنشە، وقيعا ءۇش كۇن بۇرىن ساۋران اۋدانىندا بولعان. 24 جانە 28 جاستاعى جىگىتتەر تىيىم سالىنعان جەردە شومىلعان. الدىمەن كىشىسى سۋعا باتا باستاعان، ۇلكەنى وعان كومەككە ۇمتىلعان، اقىرى ەكەۋى دە قازا تاپقان. ولاردىڭ دەنەلەرىن ۇزاق ۋاقىت تابا الماعان.
ىزدەستىرۋ جۇمىستارىن تۇركىستان وبلىسى مەن شىمكەنت قالاسىنىڭ قۇتقارۋشىلارى، پوليسيا قىزمەتكەرلەرى مەن تۋىستارى جۇرگىزدى. باۋىرلاردى كۇندىز-تۇنى سۋ استى تەحنيكاسى مەن درونداردىڭ كومەگىمەن ىزدەدى. الدىمەن 24 جاستاعى جىگىتتىڭ دەنەسى تابىلدى، ونى اعىس 6 شاقىرىمعا الىپ كەتكەن. كەيىن ونىڭ ۇلكەن اعاسىنىڭ دەنەسى دە تابىلدى.
«09:45-تە تۇركىستان وبلىسى تجد جەدەل-قۇتقارۋ جاساعى وقيعا ورنىنان 30 شاقىرىم قاشىقتىقتا دەنە تاپتى. قۇرمەتتى تۇركىستان وبلىسىنىڭ تۇرعىندارى مەن قوناقتارى، سۋداعى قاۋىپسىزدىك ەرەجەلەرىن ساقتاڭىزدار، جابدىقتالماعان جانە تىيىم سالىنعان جەرلەردە شومىلماڭىزدار»، — دەپ ەسكەرتتى تۇركىستان وبلىسى تجد ازاماتتىق قورعانىس باسقارماسىنىڭ باستىعى ورازگەلدى دۇيسەن.