ەكىباستۇزدا بەينەباقىلاۋ كامەرالارىنا ءتۇسىپ قالعان اياۋسىز قاتىگەزدىك وقيعاسى بويىنشا سوت ۇكىم شىعاردى. ايەل ادام ەر ادامدى ءولتىرىپ، تاعى ءبىر ايەلدى ولتىرمەك بولعانى ءۇشىن كىنالى دەپ تانىلدى، دەپ حابارلايدى infohub.kz سايتى.
سوت انىقتاعانداي، ايىپتالۋشىنىڭ كىناسى ونىڭ ءوزىنىڭ كورسەتۋىمەن، كۋاگەرلەردىڭ ايعاقتارىمەن، سوت-ساراپتاما قورىتىندىلارىمەن جانە باسقا دا دالەلدەمەلەرمەن راستالعان.
جازا تاعايىنداۋ كەزىندە سوت جەڭىلدەتەتىن ءمان-جاي رەتىندە كىنانى جارتىلاي مويىنداۋدى ەسكەردى. اۋىرلاتاتىن ءمان-جايلار رەتىندە قىلمىستىڭ ماساڭ كۇيدە جاسالۋى جانە ءقاۋىپتى رەسيديۆ تانىلدى.
كىسى ولتىرۋگە وقتالۋ ءۇشىن سوت 10 جىل، ال دارمەنسىز كۇيدەگى ادامدى ولتىرگەنى ءۇشىن 16 جىل باس بوستاندىعىنان ايىرۋ جازاسىن تاعايىندادى. قىلمىستاردىڭ جيىنتىعى بويىنشا تۇپكىلىكتى جازا 17 جىل بولدى.
سوتتالۋشى جازاسىن بارىنشا قاتاڭ رەجيمدەگى مەكەمەدە وتەيتىن بولادى.
قايعىلى وقيعا ەكىباستۇزدىڭ ءبىر اۋلاسىندا بولعان. جانجال بەينەباقىلاۋ كامەرالارىنا تۇسكەن. ەر ادام پىشاق جاراقاتىنان وقيعا ورنىندا كوز جۇمعان، ال ايەلدى اۋىر جاراقاتپەن اۋرۋحاناعا جەتكىزگەن.