بۇگىن پاۆلودار وبلىسىنا اۋا رايى قاتتى سوقتى — ەكىباستۇز اكىمدىگى جەرگىلىكتى دەڭگەيدەگى تابيعي سيپاتتاعى توتەنشە جاعداي رەجيمىن ەنگىزۋدى جوسپارلاپ وتىر. بۇل تۋرالى infohub.kz سايتى حابارلادى.
جەرگىلىكتى دەڭگەيدەگى تابيعي سيپاتتاعى توتەنشە جاعدايدى جاريالاۋ تۋرالى ءتيىستى شەشىم جوباسى «اشىق نقا» پورتالىندا جاريالاندى.
«2026 جىلدىڭ 19 شىلدەسىندە بولعان گيدرومەتەورولوگيالىق قۇبىلىسقا بايلانىستى ەكىباستۇز قالاسىنىڭ اۋماعىندا جەرگىلىكتى دەڭگەيدەگى تابيعي سيپاتتاعى توتەنشە جاعداي جاريالانسىن»، — دەلىنگەن قۇجات جوباسىندا.
جوبادا كورسەتىلگەندەي، تج رەجيمى ەكىباستۇز قالاسىنىڭ اۋماعىنداعى تابيعي سيپاتتاعى توتەنشە جاعدايدىڭ سالدارىن جويۋ ءۇشىن ەنگىزىلەدى.
بۇگىن پاۆلودار وبلىسىنا اۋا رايى قاتتى سوققانى بەلگىلى بولدى. اتاپ ايتقاندا، پاۆلودار قالاسىندا قاتتى جاڭبىر، بۇرشاق، نايزاعاي جانە جەل بولدى. ايماقتا ادامدار زارداپ شەكتى.