ميللياردتاعان قاراجاتتى جىمقىرعانى ءۇشىن سوتتالعان ەكس-بانكير جومارت ەرتايەۆ جازا مەرزىمىن تولىق وتەپ، بوستاندىققا شىقتى. الايدا ونىڭ تاريحى مۇنىمەن بىتپەدى — وعان قاتىستى اكىمشىلىك قاداعالاۋ بەلگىلەندى، دەپ حابارلايدى infohub.kz سايتى.
ەرتاەۆتىڭ بوستاندىققا شىعۋى تۋرالى اقپاراتتى قىلمىستىق-اتقارۋ جۇيەسى كوميتەتى (قاجك) ءتۇسىندىردى.
«زاڭناماعا سايكەس وسى سوتتالعان ادامعا قاتىستى التى جىل مەرزىمگە اكىمشىلىك قاداعالاۋ جۇرگىزىلەدى. اكىمشىلىك قاداعالاۋ — باس بوستاندىعىنان ايىرۋ ورىندارىنان شىققان ادامنىڭ مىنەز-قۇلقىن ىشكى ىستەر ورگاندارى زاڭدا بەلگىلەنگەن تارتىپپەن باقىلاۋعا الۋى»، — دەدى قاجك «كۋرسيۆكە».
جومارت ەرتايەۆ 1972 جىلى الماتى وبلىسىندا دۇنيەگە كەلگەن. 2000-جىلداردىڭ باسىندا ول اليانس بانكىن باسقاردى، كەيىن بتا بانكى مەن ەۋرازيالىق بانكتە جۇمىس ىستەدى. سونداي-اق «الما-تۆ» مەن Alma Group-تى باسقارعان.
2009 جىلى ەرتايەۆ اليانس بانكىنەن 1،1 ملرد دوللار جىمقىرعانى تۋرالى ءىس بويىنشا ۇستالدى. توعىز اي تەرگەۋ يزولياتورىندا وتىرعان سوڭ شارتتى جازا الدى.
2020 جىلى ول Bank RBK-تەن 144 ملرد تەڭگە جىمقىرعانى ءۇشىن 11 جىلعا سوتتالدى. 2021 جىلى مەرزىمى توعىز جىلعا قىسقارتىلدى.
2025 جىلدىڭ كۇزىندە ەرتايەۆ راقىمشىلىق بويىنشا شارتتى تۇردە مەرزىمىنەن بۇرىن بوساتىلعان ەدى، الايدا مەرزىمىنەن بۇرىن بوساتۋ تۋرالى قاۋلى كۇشى جويىلىپ، ول كولونياعا قايتارىلدى.
كۇنى كەشە جۋرناليست ميحايل كوزاچكوۆ سوتتالعان ەكس-بانكيردىڭ تۇپكىلىكتى بوستاندىققا شىققانىن حابارلادى.