يرلانديالىق قىلمىستىق سينديكاتتىڭ بولجامدى جەتەكشىسى دەنيەل كيناحان بىرىككەن اراب امىرلىكتەرىنەن يرلاندياعا بەرىلىپ، سوت الدىنا كەلدى، دەپ حابارلايدى infohub.kz سايتى.
كيناحان الەمدەگى ەڭ ءىرى ەسىرتكى مەن قارۋ كونترابانداسى جەلىلەرىنىڭ ءبىرىن باسقاردى، سونداي-اق اقشا جىلىستاتۋمەن اينالىستى دەپ ايىپتالۋدا. جەكسەنبى كۇنى كەشكە ول دۋبليندەگى ارنايى قىلمىستىق سوت الدىنا كەلدى. سول كۇنى تاڭەرتەڭ ول يرلانديا ۇكىمەتىنىڭ ۇشاعىمەن دۋبايدان ۇشىپ كەتكەن ەدى.
دۋبلين ماڭىنداعى اسكەري بازاعا قونعاننان كەيىن كيناحاندى بروندى فۋرگونمەن تىكەلەي سوت عيماراتىنا جەتكىزدى. تىڭداۋ شۇعىل تۇردە ءوتتى.
ءباا مەن يرلانديا بيلىگىنىڭ بىرلەسكەن مالىمدەمەسىندە: «كيناحان ترانسۇلتتىق ۇيىمداسقان قىلمىسقا قاتىستى ىستەر بويىنشا ەڭ كوپ ىزدەۋلى تۇلعالاردىڭ ءبىرى بولىپ سانالادى»، — دەلىنگەن.
باسىلىمنىڭ ايتۋىنشا، ول ءساۋىر ايىندا يرلانديانىڭ وردەرى بويىنشا دۋبايدا تۇتقىندالعان. وعان دەيىن ول ون جىل بويى سوندا تۇرعان.
كيناحان باسقارعان دەپ ەسەپتەلەتىن توپ ءدۋبليننىڭ قىلمىستىق ورتاسىنان شىعىپ، الەمدەگى ەڭ ءىرى حالىقارالىق قىلمىستىق ۇيىمداردىڭ بىرىنە اينالعان. يرلانديا بيلىگىنىڭ دەرەكتەرى بويىنشا، ونىڭ وڭتۇستىكامەريكالىق ەسىرتكى كارتەلدەرىمەن، قىتايلىق مافيالىق توپتارمەن جانە «حەزبوللامەن» بايلانىسى بار.