ق ر ادىلەت مينيسترلىگى سوت ساراپتاماسى ورتالىعى رمقك-دا مەملەكەتتىك ساتىپ الۋ كەزىندە 2،5 ملرد تەڭگە جىمقىرۋدى ۇيىمداستىردى دەگەن كۇدىكتى ۆەتنامنان قازاقستانعا ەكستراديسيالاندى. بۇل تۋرالى infohub.kz حابارلايدى.
قارجىلىق مونيتورينگ اگەنتتىگىنىڭ (قما) مالىمەتىنشە، 2023–2025 جىلدارعا ارنالعان ناشاقورلىق پەن ەسىرتكى بيزنەسىنە قارسى كۇرەس جونىندەگى كەشەندى جوسپار اياسىندا سوت ساراپتاماسى ورگاندارىن ماتەريالدىق-تەحنيكالىق جاراقتاندىرۋ ءۇشىن رەسپۋبليكالىق بيۋدجەتتەن 10 ملرد تەڭگەدەن استام قارجى بولىنگەن. الايدا كۇدىكتى رمقك ديرەكتورى ر.ق.ساتىبالديەۆپەن، مەملەكەتتىك ساتىپ الۋ دەپارتامەنتىنىڭ باسشىسى د.ب.يسكەندەروۆامەن، سونداي-اق «مارك ينۆەست» ج ش س مەن «Direct Services» ج ش س باسشىسى ا.ا.شينتەميروۆامەن بىرىگىپ، بيۋدجەت قاراجاتىن جىمقىرۋدى ۇيىمداستىرعان. قىلمىسكەرلەر جابدىق قۇنىن ءۇش ەسەگە جاساندى تۇردە كوتەرىپ، جالعان كوممەرسيالىق ۇسىنىستار پايدالانعان.
سوت ۇكىمىمەن ر.ق.ساتىبالدييەۆ، د.ب.يسكەندەروۆا جانە ا.ا.شينتەميروۆا كىنالى دەپ تانىلعان. ولارعا مۇلكىن تاركىلەي وتىرىپ، 3 جىلدان 8 جىلعا دەيىن باس بوستاندىعىنان ايىرۋ جازاسى كەسىلگەن.
2025 جىلدىڭ ناۋرىزىندا قىلمىستىڭ بولجامدى ۇيىمداستىرۋشىسى حالىقارالىق ىزدەۋ جاريالانعان. سوت سىرتتاي قاماۋعا الۋ تۇرىندەگى بۇلتارتپاۋ شاراسىن سانكسيالاعان. اعىمداعى جىلدىڭ باسىندا كۇدىكتى ۆەتنام اۋماعىندا ۇستالدى. قارجىلىق مونيتورينگ اگەنتتىگى، ينتەرپولدىڭ ۇلتتىق ورتالىق بيۋروسى جانە سىرتقى ىستەر مينيسترلىگىنىڭ بىرلەسكەن جۇمىسىنىڭ ناتيجەسىندە ۇستالعان ادام قازاقستان رەسپۋبليكاسىنا قايتارىلدى.
قىلمىستىق ءىس سوتقا جولداندى.