قارجى مونيتورينگى اگەنتتىگى حالىقارالىق ىزدەۋ جاريالانعان ەر ادامنىڭ قازاقستانعا ەكستراديسيالانعانىن حابارلادى، دەپ NUR.KZ اگەنتتىكتىڭ ءباسپاسوز قىزمەتىنە سىلتەمە جاساپ حابارلايدى. ۆەدومستۆونىڭ ءباسپاسوز قىزمەتىندەگىلەردىڭ ايتۋىنشا، قما مەن ينتەرپول بۇرىن حالىقارالىق ىزدەۋ جاريالانعان ۇلان بايبولوۆ ەسىمدى ازاماتتى ەلگە قايتاردى... دەپ حابارلايدى infohub.kz سايتى.
تەرگەۋ دەرەكتەرى بويىنشا، بايبولوۆ ۇ.م. قىلمىستىق توپتىڭ مۇشەسى بولعان، ونىڭ قىزمەتى بيۋدجەتكە سالىقتار مەن باسقا دا مىندەتتى تولەمدەردى جۇيەلى تۇردە تولەمەۋگە باعىتتالعان. قىلمىستىق سحەما كاسىپورىنداردى نومينالدى باسشىلارعا ساتىپ الۋ جانە قايتا تىركەۋ، ولاردىڭ بانكتىك شوتتارى ارقىلى قارجى وپەراسيالارىن جۇرگىزۋ، سالىق ەسەپتىلىگىنە ادەيى بۇرمالانعان مالىمەتتەردى ەنگىزۋ جانە كەيىن اقشانى قولما-قول اقشاعا اينالدىرۋ بولعان.
قما مالىمەتىنشە، وسى سحەمادا قولدانىلعان كاسىپورىنداردىڭ ءبىرى «سفەرا» ج ش س بولعان، ونىڭ ديرەكتورىنىڭ ورىنباسارى بولىپ 2014 جىلى بايبولوۆ ۇ.م. تاعايىندالعان. اگەنتتىكتىڭ مالىمدەۋىنشە، توپ مۇشەلەرى ءجشس-تىڭ ەسەپ ايىرىسۋ شوتتارىنان 2،5 ملرد تەڭگەدەن استام قاراجاتتى قولما-قول اقشاعا اينالدىرعان. سونىمەن قاتار، قوسىمشا ەسەپتەلگەن سالىق سوماسى 1 ملرد تەڭگەدەن استى. سوت كۇدىكتىگە قاتىستى قاماۋدا ۇستاۋ تۇرىندەگى بۇلتارتپاۋ شاراسىن سانكسيالادى. تەرگەۋ جالعاسۋدا.