ۆەتنامنان قازاقستاننىڭ قۇقىق قورعاۋ ورگاندارىنان جاسىرىنىپ جۇرگەن شەتەل ازاماتى ەكستراديسيالاندى، دەپ حابارلايدى infohub.kz.
تەرگەۋ نۇسقاسى بويىنشا، 2022-2023 جىلدارى كۇدىكتى سەرىكتەسىمەن بىرگە الماتىدا زاڭسىز ويىن بيزنەسىن ۇيىمداستىرىپ، 12 ميلليون تەڭگەدەن استام قىلمىستىق كىرىس تاپقان.
قىلمىس جاسالعاننان كەيىن ءبىر كۇدىكتى ۇستالىپ، قىلمىستىق جاۋاپكەرشىلىككە تارتىلسا، ەكىنشىسى قۇقىق قورعاۋ ورگاندارىنان جاسىرىنىپ، حالىقارالىق ىزدەۋگە جاريالانعان.
اقپان ايىندا كۇدىكتى ۆەتنامدا ۇستالىپ، قازاقستان باس پروكۋراتۋراسىنىڭ سۇراۋى بويىنشا ەلگە قايتارىلدى.
ءقازىر ول تەرگەۋ يزولياتورىنا جابىلدى. تاعىلعان ايىپ بويىنشا وعان بەس جىلعا دەيىن باس بوستاندىعىنان ايىرۋ جانە مۇلكىن تاركىلەۋ جازاسى قاراستىرىلعان.