الماتىدا زاڭسىز ويىن بيزنەسىن ۇيىمداستىردى دەگەن كۇدىكتى ۆەتنامنان ەكستراديسيالاندى، دەپ حابارلايدى infohub.kz.
قازاقستان باس پروكۋراتۋراسىنىڭ قىزمەتكەرلەرى ءىىم ينتەرپول ۇلتتىق ورتالىق بيۋروسىمەن بىرلەسىپ، قازاقستاننىڭ ۆەتنامداعى ەلشىلىگىنىڭ كومەگىمەن حالىقارالىق ىزدەۋدە جۇرگەن شەتەلدىكتى ەكستراديسيالادى. بۇل تۋرالى باس پروكۋراتۋرانىڭ ءباسپاسوز قىزمەتى مالىمدەدى.
تەرگەۋ نۇسقاسى بويىنشا، 2022–2023 جىلدارى كۇدىكتى سەرىكتەسىمەن بىرگە الماتى اۋماعىندا زاڭسىز ويىن بيزنەسىن ۇيىمداستىرىپ، 12 ملن تەڭگەدەن استام قىلمىستىق كىرىس العان. قىلمىس جاسالعاننان كەيىن ءبىر فيگۋرانت قىلمىستىق جاۋاپكەرشىلىككە تارتىلسا، ەكىنشىسى جاسىرىنىپ، ىزدەۋ جاريالاندى.
اعىمداعى جىلدىڭ اقپان ايىندا ەر ادام ۆەتنام اۋماعىندا ۇستالىپ، باس پروكۋراتۋرانىڭ سۇراۋى بويىنشا قازاقستانعا ەكستراديسيالاندى. ءقازىر كۇدىكتى تەرگەۋ يزولياتورىنا ورنالاستىرىلعان.
ايىپتالاتىن ارەكەت ءۇشىن مۇلكى تاركىلەنىپ، بەس جىلعا دەيىن باس بوستاندىعىنان ايىرۋ جازاسى قاراستىرىلعان.