ەلبرۋستا ەكى كۇن ىشىندە التى الپينيست قازا تاپتى. قۇربان بولعاندار – بوسنيا جانە گەرسەگوۆينا تۋريستەرى مەن ءبىر رەسەيلىك، دەپ حابارلايدى infohub.kz.
بوسنيا جانە گەرسەگوۆينادان كەلگەن جەتى الپينيست 24 شىلدەدە تاۋعا شىعۋدى باستادى. 25 شىلدە كەشكە اۋا رايىنىڭ ناشارلاۋى سالدارىنان توپ مارشرۋتتان اداستى.
قاتىسۋشىلاردىڭ ءبىرى تومەنگە ءتۇسىپ، 5،1 مىڭ مەتر بيىكتىكتە ەكى ادامنىڭ جاعدايى ناشارلاپ، كوز جۇمعانىن ايتتى. كەيىن ولاردىڭ دەنەلەرى تابىلىپ، ەۆاكۋاسيالاندى.
سونداي-اق بوسنيا جانە گەرسەگوۆينادان تاعى ءبىر ءتىرى قالعان تۋريست تابىلدى. كوپ ۇزاماي قۇتقارۋشىلار توپتىڭ قالعان ءۇش مۇشەسىنىڭ دەنەسىن تاپتى – جەتى ادامنىڭ تەك ەكەۋى عانا امان قالدى.
بۇدان بولەك، تاعى ءبىر قايعىلى وقيعا بولدى: باسقا الپينيستەر توبىندا ءبىر قاتىسۋشى تاۋعا شىعۋ كەزىندە قايتىس بولدى. بۇل الپينيستەر ستاۆروپول ولكەسى مەن تۋلا وبلىسىنان كەلگەن.