ەلدار كۋزەنبايەۆ قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ۆيسە-مينيسترى بولىپ تاعايىندالدى. بۇل تۋرالى ۇكىمەت قاۋلىسىنا سىلتەمە جاساپ، infohub.kz حابارلايدى.
ۇكىمەت سايتىنىڭ مالىمەتىنشە، كۋزەنبايەۆ بۇعان دەيىن، 2026 جىلدىڭ ناۋرىز ايىنان باستاپ، وسى مينيسترلىكتەگى كوشى-قون كوميتەتىنىڭ ءتوراعاسى قىزمەتىن اتقارعان.
ەلدار قونىسباي ۇلى كۋزەنبايەۆ 1982 جىلى قوستاناي وبلىسىندا دۇنيەگە كەلگەن. ول ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى مەن م. دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىن بىتىرگەن.
ەڭبەك جولىن 2002 جىلى قوستاناي وبلىسى سوتتارى اكىمشىلىگىنىڭ ۇيىمداستىرۋ-تالداۋ ءبولىمىنىڭ جەتەكشى مامانى رەتىندە باستاعان. كەيىن ءارتۇرلى اۋداندىق ۋچاسكەلەردە اعا سوت ورىنداۋشىسى، ادىلەت دەپارتامەنتىندە ءبولىم باستىعى، ۇزىنكول اۋدانى اكىمىنىڭ ورىنباسارى، سارىكول اۋدانىنىڭ اكىمى جانە قوستاناي وبلىسى ارقالىق قالاسىنىڭ اكىمى قىزمەتتەرىن اتقاردى. 2019–2021 جىلدارى Nur Otan پارتياسى قوستاناي وبلىستىق فيليالى ءتوراعاسىنىڭ ءبىرىنشى ورىنباسارى، سودان كەيىن وبلىس اكىمى اپپاراتىنىڭ باسشىسى بولدى. 2022–2023 جىلدارى — ق ر پرەزيدەنتى اكىمشىلىگىنىڭ مەملەكەتتىك ينسپەكتورى، 2023–2026 جىلدارى — ق ر پرەزيدەنتى اكىمشىلىگى مەملەكەتتىك باقىلاۋ ءبولىمىنىڭ مەملەكەتتىك ينسپەكتورى قىزمەتىن اتقارعان.