25 تامىزدان باستاپ قازاقستاندا ەلەكتروساموكات پايدالانۋشىلارىنا قويىلاتىن جاڭا تالاپتار كۇشىنە ەندى، ولار تروتۋارلاردا جۇرۋگە تىيىم سالادى، دەپ حابارلايدى infohub.kz.
ەسكە سالايىق، 1 شىلدەدەن باستاپ ەلدە ەلەكتروساموكات يەلەرىنە قاتىستى جاس، جۇرگىزۋشى كۋالىگى جانە ساقتاندىرۋ ماسەلەلەرىنە قاتىستى ەرەجەلەر ەنگىزىلگەن بولاتىن. الايدا ىشكى ىستەر مينيسترلىگى 25 تامىزدان باستاپ قولدانىسقا ەنگەن قوسىمشا شەكتەۋلەردى جاريا ەتتى.
بۇرىن تروتۋاردا ساعاتىنا 6 كم-دەن اسپايتىن جىلدامدىقپەن جۇرۋگە رۇقسات ەتىلسە، ەندى ەلەكتروساموكاتتاردا تەك ۆەلوسيپەد جولدارىمەن نەمەسە جولاقتارىمەن جۇرۋگە بولادى، ال ولار بولماعان جاعدايدا — ءجۇرىس بولىگىنىڭ وڭ جاق شەتىمەن نەمەسە جول جيەگىمەن جۇرۋگە بولادى.
جاڭا ەرەجەلەر كۇشىنە ەنەر الدىندا الماتى پوليسيا دەپارتامەنتى ءجۇرىس بولىگىندە تەك 18 جاستان اسقان، كەز كەلگەن ساناتتاعى جۇرگىزۋشى كۋالىگى مەن قورعانىس دۋلىعاسى بار ادامدار عانا جۇرە الاتىنىن ەسكە سالدى.
سونىمەن قاتار، قاراڭعى ۋاقىتتا جارىق قايتاراتىن ەلەمەنتتەردى پايدالانۋ قاجەت. جولاۋشىلار مەن جۇكتەردى تاسىمالداۋعا تىيىم سالىنادى، ال جاياۋ جۇرگىنشىلەر وتكەلىنەن وتكەندە ساموكاتتان ءتۇسۋ كەرەك.