كورولەۆا ەليزاۆەتا IIء-نىڭ بۇرىنعى اعا گاردەروب قىزمەتكەرى جانە سەنىمدى ادامى انجەلا كەلليدىڭ بۋكينگەم سارايىنداعى جۇمىسى تۋرالى دەرەكتى جوباعا قاتىسۋعا نيەتتى ەكەنىن infohub.kz سايتى حابارلايدى.
كەللي ەليزاۆەتا IIء-نىڭ قاسىندا اعا گاردەروب قىزمەتكەرى جانە جەكە كومەكشىسى رەتىندە 28 جىل ەڭبەك ەتتى. ب ا ق مالىمەتىنشە، جوبانى 53 Degrees Global كومپانياسى Walt Disney-مەن بىرلەسىپ ازىرلەپ جاتىر. جوبا بريتان كورولدىك سارايىنىڭ ىشكى ومىرىنە مارقۇم مونارحتىڭ شەكسىز سەنىمىنە يە بولعان ادامنىڭ اۋزىنان ەگجەي-تەگجەيلى كوزقاراس ۇسىنباق.
كوپ جىلدار بويى كەللي كورولەۆانىڭ ەڭ جاقىن قۇربىلارىنىڭ ءبىرى سانالدى. ەليزاۆەتا II وعان كورولدىك گاردەروب پەن سارايداعى جەكە ءومىر تۋرالى مەمۋارلار شىعارۋعا رۇقسات بەردى. بۇرىنعى كومەكشى ءوزىنىڭ قىزمەتى تۋرالى ءاردايىم جىلى لەبىز ءبىلدىرىپ، كورولەۆامەن بىرگە ABBA توبىنىڭ اندەرىنە بيلەگەن ساتتەردى ەسكە الاتىن.
دەگەنمەن، الداعى فيلم كورولدىك وتباسىن الاڭداتىپ وتىر. باقىلاۋشىلاردىڭ پىكىرىنشە، سارايدىڭ بۇل جاعدايعا ىقپال ەتۋ تەتىكتەرى جوق. ساراپشىلار اتاپ وتكەندەي، ەگەر حانزادا گارري مەن مەگان ماركل اشىق مەمۋارلار مەن سەريال شىعارا السا، بۇرىنعى «قۇپيا ساقتاۋشىعا» دا جابىق ەسىكتەر ارتىندا بولعان وقيعالاردىڭ ءوز نۇسقاسىن بولىسۋگە ەشتەڭە كەدەرگى بولمايدى. سونىمەن قاتار، كەلليدىڭ ءوزىنىڭ حانزادا گارريمەن قارىم-قاتىناسى كۇردەلى بولدى، ول ءوزىنىڭ Spare كىتابىندا ونى ۇيلەنۋ تويىنا دايىندىق كەزىندە كەدەرگى جاسادى دەپ ايىپتاعان.