بلوگەر ەلميرا تولەگەنوۆا جۇبايى ەربولات جانابىلوۆپەن اجىراساتىنىن مالىمدەدى. بۇل تۋرالى ول الەۋمەتتىك جەلىدەگى پاراقشاسىندا جازىپ، جازىلۋشىلارىنا ايتتى، دەپ حابارلايدى infohub.kz سايتى.
«تۇندە ستوريس شىعىپ، وسىلاي حابارلاعىم كەلمەدى، ءبىراق ءبىز اجىراسۋ ۇستىندەمىز»، — دەدى تولەگەنوۆا.
جەلىدە ەلميرانىڭ كيىم ىلگىشتە جاسىرىنىپ، ىشىنەن جابىلعان ۆيدەوسى دا تارادى. قازىرگى ۋاقىتتا بۇل جازبا بلوگەردىڭ پاراقشاسىنان وشىرىلگەن.
دەگەنمەن ستوريستە تولەگەنوۆا بولعان جاعدايعا تۇسىنىك بەرىپ، جالعان اقپارات تاراتپاۋعا شاقىردى. «ويلاعانداي ەشقانداي ۇرىپ-سوعۋ بولعان جوق. ەربولات ەكىنشى تەلەفونىمدى الماق بولعاندىقتان، ىلگىشكە جابىلدىم»، — دەپ ءتۇسىندىردى ول.
ءقازىر ەلميرا بالالارىمەن ۇيدە، جانىندا جاقىن ادامدارى بار. ول وزىنە كەلىپ، تىنىشتالعان سوڭ جاعدايدى تولىعىراق تۇسىندىرەتىنىن ۋادە ەتتى.
ەسكە سالايىق، 27 ساۋىردە بلوگەرلەرگە قاتىستى ۇكىم شىعارىلدى. سۋديا پروكۋرور ۇسىنعان مەرزىمدەرمەن كەلىستى — بلوگەرلەر زاڭسىز كاسىپكەرلىك جانە قىلمىستىق جولمەن تابىلعان اقشانى جانە (نەمەسە) وزگە م ۇلىكتى زاڭداستىرۋ (جىلىستاتۋ) بويىنشا كىنالى دەپ تانىلدى.
سونداي-اق سوت جانابىلوۆ پەن تولەگەنوۆا قىلمىستىق قاراجاتقا ساتىپ العان iPhone 16 (17 دانا) مەن Hyundai Elantra (8 دانا) كولىكتەرىن تاركىلەۋگە شەشىم قابىلدادى.