قازاقستان قۇراماسى ازيادا-2026 ويىندارىنىڭ ەسكەك ەسۋ ءسپرينتى بويىنشا مەدال قورجىنىن تولىقتىردى: سەرگەي ەمەليانوۆ پەن رۋفينا يسكاكوۆا ارالاس كانوە-قوساردا 500 مەتر قاشىقتىقتا قولا جۇلدەگەر اتاندى، دەپ حابارلايدى infohub.kz سايتى.
قازاقستاندىق ەكيپاج قاشىقتىقتى 1 مينۋت 51،124 سەكۋندتا ءجۇزىپ ءوتتى. بۇل ناتيجە سپورتشىلارعا ءۇشىنشى ورىن اپەردى.
وسى سايىستا التىندى جۇڭگو وكىلدەرى ۋ شەنيۋە مەن ما يانان جەڭىپ الدى. كۇمىس جۇلدە وزبەكستان سپورتشىلارى ۆلادلەن دەنيسوۆ پەن نيلۋفار زوكيروۆاعا بۇيىردى.
ءدال وسىنداي سايىستا، ءبىراق بايداركادا قازاقستاندىقتار ولگا شمەلوۆا مەن ءارتوم تەرەششەنكو ءتورتىنشى ورىنمەن تۇعىردان ءبىر قادام قالدى.
بۇل جۇزۋدە قىتايلىقتار لي چەنحاو مەن چجان لۋسي ۇزدىك شىقتى. كۇمىستى وڭتۇستىككورەيالىقتار چوي مين كيۋ مەن ءسون مين دجۋ، ال قولانى جاپوندىقتار رين فۋكۋدا مەن اكيحيرو ينوۋە الدى.
وسىلايشا، ازيادا-2026-دا بايداركا مەن كانوە ەسۋىنىڭ سپرينت سايىستارىندا قازاقستان قۇراماسى التى مەدال جەڭىپ الدى: ءبىر كۇمىس جانە بەس قولا.