الەمدەگى «ەڭ ادەمى ەر ادام» اتانعان امەريكاندىق بلوگەر برەيدەن پيتەرس Miami New Times جۋرنالىنىڭ مۇقاباسىنا شىقتى، دەپ حابارلايدى infohub.kz.
20 جاستاعى ينفليۋەنسەردىڭ سۋرەتىن باسىلىم Instagram-دا جاريالادى. مۇقاباعا پيتەرستىڭ جاقىننان تۇسىرىلگەن پورترەتى الىندى.
Clavicular بۇركەنشىك اتىمەن تانىمال برەيدەن پيتەرس قىسقا ۋاقىت ىشىندە از بەلگىلى بلوگەردەن ەڭ كوپ تالقىلاناتىن كونتەنت جاساۋشىلاردىڭ بىرىنە اينالدى. ماياميگە كوشكەننەن كەيىن ول كوسمەتيكالىق پروسەدۋرالار، ۆيرۋستىق بەينەلەر جانە looksmaxxing قوزعالىسى اينالاسىندا قۇرىلعان ءيميدجىن بەلسەندى تۇردە دامىتا باستادى. پيتەرس تانىمال ينفليۋەنسەرلەر جانە OnlyFans اۆتورلارىمەن ىنتىماقتاسىپ، سىرت كەلبەتىنە قاتىستى كەشەندەرىن ينتەرنەت-جوبانىڭ نەگىزىنە اينالدىردى. ءقازىر ونىڭ بەينەروليكتەرى TikTok، Instagram جانە X جەلىلەرىندەگى كوپتەگەن اككاۋنتتار ارقىلى تاراپ، اۋديتورياسى ميلليونداپ سانالادى.
Miami New Times جۋرناليستەرى بلوگەردىڭ تانىمالدىلىعى الەۋمەتتىك جەلىلەردەن الدەقايدا اسىپ كەتكەنىن اتاپ وتەدى. ول Saturday Night Live شوۋىندا، 60 Minutes باعدارلاماسىندا، سونداي-اق Hulu-دىڭ «Looksmaxxed» اتتى جاڭا دەرەكتى فيلمىندە كورىندى. ءدال پيتەرس «mogging» جانە «maxxing» تەرميندەرىنىڭ كەڭ تارالۋىنا سەبەپكەر بولدى دەپ ەسەپتەلىنەدى، بۇل تەرميندەر ۋاقىت وتە كەلە جاپپاي ينتەرنەت-مادەنيەتتىڭ ءبىر بولىگىنە اينالدى.
تانىمالدىلىقپەن قاتار بلوگەرگە دەگەن قىزىعۋشىلىق تا ارتا ءتۇستى. باسىلىم پيتەرستىڭ مايامي-بيچ تۇنگى كلۋبىندا ەندريۋ تەيت، نيك فۋەنتەس، Sneako جانە مايرون گەينس سياقتى داۋلى وڭشىل ينتەرنەت تۇلعالارمەن بىرگە كەزدەسكەنىن ەسكە سالادى. كەيىن ول قىسقا مەرزىمدە جۇمىس ىستەگەن ءوزىنىڭ ستريمەرلەر كلۋبىنىڭ تەڭ يەسى دە بولدى.
ايتا كەتەيىك، ۋاقىت وتە كەلە بۇل ترەندتىڭ تانىمالدىلىعى ايتارلىقتاي ءوستى. ءقازىر ونىڭ اياسىندا سىرت كەلبەتتى وزگەرتۋدىڭ ءارتۇرلى ادىستەرى، سونىڭ ىشىندە مايدى ەرىتەتىن ليپوليتيكتەر ينەكسيالارى ناسيحاتتالۋدا. ال دۇرىس قولدانباعان جاعدايدا ولار ءقاۋىپتى بولۋى مۇمكىن.