اقش-تىڭ كاليفورنيا شتاتىندا الەمدەگى ەڭ ۇرەيلى يت اتاعىنا كونكۋرس ءوتتى. قاتىسۋشىلاردى سىرتقى كەلبەتىنە ەمەس، دارالىعىنا، مىنەزى مەن ءومىر تاريحىنا قاراپ باعالادى. جەڭىمپاز التى جاسار دجينني لۋ اتتى موپس يت اتاندى، دەپ حابارلايدى infohub.kz.
2026 جىلى World's Ugliest Dog كونكۋرسىنا 50 جىل تولادى. ۇيىمداستىرۋشىلاردىڭ ايتۋىنشا، بۇل جارىستىڭ ماقساتى — جانۋارلاردى كەلەمەجدەۋ ەمەس، باسپانالارداعى يتتەردى اسىراپ الۋعا نازار اۋدارۋ، دەپ جازادى The New York Times.
ءبىرىنشى ورىندى وڭتۇستىك كورەيا تاۋلارىنان تابىلعان دجينني لۋ يەلەندى. ايازدا ونى اعاش جاشىكتە تاستاپ كەتكەن. ەرىكتىلەر ءيتتى باسپاناعا اپارعان، سول جەردەن ول قازىرگى يەسىنە جەتكەن. باسقا موپستاردان دجينني دوڭەس كوزدەرى مەن ۇنەمى ءتىلى سىرتقا شىعىپ تۇراتىندىعىمەن ەرەكشەلەنەدى.
جەڭىسكە جەتكەنى ءۇشىن دجينني لۋ يەسى ميشەل گرەيدي $5 مىڭ الادى. سونىمەن قاتار، ءيتتىڭ تۇمسىعى سىرانىڭ شەكتەۋلى سەرياسىنىڭ قاپتاماسىندا بەينەلەنەدى — ءوندىرۋشى جارىستىڭ دەمەۋشىسى بولىپ تابىلادى. ەكىنشى ورىندى پومەرانيالىق شپيس پەن البينوس چيحۋاحۋانىڭ بۋدانى پينكي يەلەندى، ول $3 مىڭ ۇتىپ الدى. تاعى $2 مىڭ تاڭدايى جارىلعان وتتوعا بۇيىرادى.
ال قازاقستاندا يت ەتىن كافەلەردە ساتۋ ماسەلەسى قايتا كوتەرىلدى. جانۋارلاردى اياۋسىز سويۋ ارقىلى ەتىن ارزان باعامەن وتكىزەدى. ولاردىڭ قاڭعىباس نەمەسە يەسى بار بولۋى ماڭىزدى ەمەس.
بۇعان دەيىن Kursiv LifeStyle قازاقستاندىق ارنايى جاساق ءيتىنىڭ پاراشيۋتپەن سەكىرگەنىن جازعان بولاتىن.