ەڭ ۇزدىك جاس تاربيەشى 2012.
بولاشاقتىڭ بازارى دا،كەلەشەكتىڭ – كەمەڭگەرلەرى دە بالالار ەمەس پە؟!
سانالى، وسكەلەڭ ۇرپاق تاربيەلەۋ تاربيەشىنىڭ مىندەتى

ءبىلىم ءبولىمىنىڭ ادىستەمەلىك كابينەتىنىڭ مەڭگەرۋشىسى ق. كوپباەۆانىڭ باسشىلىعىمەن جانە ادىسكەر ب. اليمباەۆانىڭ جەتەكشىلىگىمەن بايزاق اۋدانى سارىكەمەر اۋىلى «بالاپان» بالاباقشاسىندا 18 بالاباقشا اراسىندا «ەڭ ۇزدىك جاس تاربيەشى 2012» بايقاۋى ۇيىمداستىرىلدى.

بالانىڭ وي - ءورىسىن دامىتۋعا، ولاردىڭ قيالىنا قانات ءبىتىرىپ، ءتىل بايلىقتارىنىڭ مولايۋىنا بالاباقشا تاربيەشىلەرىنىڭ سىڭىرەر ەڭبەگى وراسان زور. كەشە عانا اياعىن اتتاپ باسقان جاس ءسابيدىڭ العاشقى رەت قوعاممەن ارالاسۋى بالاباقشادان باستالادى ەمەس پە؟! وسى ورايدا، جاس تاربيەشىلەر تاجىربيە الماسىپ، بالالاردىڭ وي - ءورىسىن كەڭەيتۋگە باعىت سىلتەر سان قيلى ءبىلىم ۇلگىلەرىن پاش ەتىپ، وزدەرىنىڭ شىعارماشىلىق قابىلەتتەرىن جان - جاقتى كورسەتە وتىرىپ، كاسىبي شەبەرلىكتەرىن نىعايتا، جاس مامان رەتىندە شىڭدالا ءتۇستى.

بايقاۋ ءتورت شارت بويىنشا ۇيىمداسقان. 1 تەوريالىق بىلىمدەرى بويىنشا تەست ءبولىم؛ ءىى ءبولىم تانىستىرۋ؛ ءىىى ءبولىم «تاۋەلسىزدىك تىرەگىم» جان كۇيەرلەر كومەگىمەن ساحنالىق قويىلىم؛ ءىV ءبولىم «ونەرلى ورگە جۇزەدى»

بايقاۋعا ون بەس تاربيەشى قاتىسىپ، وزدەرىن جان - جاقتى كورسەتە الدى. پەداگوگقا ءتان سىپايلىقپەن، ينباتتىلىقتى ۇشتاستىرا وتىرىپ، ءوز ونەرلەرىمەن، شەبەرلىكتەرىمەن، بىلىمدەرىمەن تالايدى تاڭقالدىردى.

بايقاۋدى قورىتىندىلاي كەلە، ءبىلىم ءبولىمىنىڭ ادىسكەرى ب. اليمباەۆا جاس پەداگوگتاردىڭ سۇلۋلىعىنا، پەداگوگقا ءتان قاراپايىمدىلىقپەن وزدەرىنە تارتا بىلگەندەرىن، ءار ءتۇرلى ونەرلەرىمەن تاڭداندىرىپ، وزدەرىنىڭ جان دۇنيەسىن كوپشىلىككە جەتكىزە وتىرىپ، جاقسى قاسيەتتەرىن اشا تۇسكەندەرىن اتاپ ءوتتى. ءسوز سوڭىندا بايقاۋعا قاتىسقان جاس مامانداردىڭ اراسىنان «بالاۋسا» بالاباقشاسىنىڭ تاربيەشىسى داكەنوۆا تۇرسىناي «ەڭ ۇزدىك جاس تاربيەشى 2012»بايقاۋىنىڭ جەڭىمپازى اتانىپ، باعالى سىيلىقپەن ماراپاتتالدى. «بالاپان» بالاباقشاسىنىڭ تاربيەشىسى ر. امانجولوۆا، «اقبوتا» بالاباقشاسىنىڭ تاربيەشىسى بەكنازاروۆا اقەركە ءىى دارەجەلى، ءىىى دارەجەلى ماقتاۋ گرامموتاسىمەن «اينۇر» بالاباقشاسىنىڭ تاربيەشىسى تەميركۋلوۆا اقمارال جانە «بالبوبەك» بالاباقشاسىنىڭ تاربيەشىسى اشەنوۆا مانار ماراپاتتالدى. «مارزيا اپا» بالاباقشاسىنىڭ تاربيەشىسى بازيلباەۆا راۋشان «شىعارماشىل پەداگوگ»نوميناسياسى بويىنشا ماراپاتتالدى. بارلىق قاتىسۋشى جاس تاربيەشىلەر ەستەلىك رەتىندە قۇندى سىيلىقتارمەن ماراپاتتالدى.

جاس مامانداردىڭ كاسىبي قىزمەتكە بەيىمدەلۋىن جەتىلدىرۋ ماقساتىندا ۇيىمداستىرىلعان وسى بايقاۋدىڭ ناتيجەسىندە جاس پەداگوگتارىمىز وزدەرىنە قاجەتتى قاسيەتتەردى بويلارىنا سىڭىرە الدى دەپ تۇجىرىمدايمىن. بايقاۋعا قاتىسقان پەداگوگتارعا العىسىمدى ءبىلدىرىپ، الداعى ۋاقىتتا بيىك شىڭداردان كورىنۋلەرىنە تىلەكتەستىگىمدى بىلدىرەمىن.