اۋىسىمدىق جۇمىس كەزىندە جۇمىس ىستەلگەن ساعاتتاردىڭ ەسەبى كۇنىنە ستاندارتتى سەگىز ساعاتپەن ەمەس، بۇكىل اي بويىنشا جيىنتىق تۇردە جۇرگىزىلەدى. بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگى ەسكە سالدى... دەپ حابارلايدى infohub.kz سايتى.
جالاقىنى قالاي ەسەپتەۋ كەرەك؟ جۇمىستىڭ مۇنداي فورماتىندا قازاقستاندىقتارعا اي سايىنعى تۇراقتى جالاقى تاعايىندالادى. ءبىر ساعات جۇمىستىڭ قۇنىن انىقتاۋ ءۇشىن بۇل جالاقى وندىرىستىك كۇنتىزبەدە بەلگىلەنگەن ناقتى ايداعى جۇمىس ساعاتتارىنىڭ نورماسىنا بولىنەدى.
ءار ايداعى جۇمىس كۇندەرى مەن ساعاتتارىنىڭ سانى ءارتۇرلى بولۋى مۇمكىن بولعاندىقتان، ەسەپتىك ساعاتتىق مولشەرلەمە دە تۇراقتى بولىپ قالمايدى. ول رەسمي جۇمىس ۋاقىتىنىڭ نورماسىنا بايلانىستى اي سايىن وزگەرىپ وتىرادى.
ىستىققا بايلانىستى دەمالىس الۋعا بولا ما؟ بۇعان دەيىن ەڭبەك مينيسترلىگى قازاقستاننىڭ ەڭبەك زاڭناماسىندا انومالدى اۋا رايىنا بايلانىستى جۇمىس كۇنىن اۆتوماتتى تۇردە قىسقارتۋ، قوسىمشا دەمالىس كۇندەرىن ەنگىزۋ نەمەسە قاشىقتان جۇمىسقا كوشۋ قاراستىرىلماعانىن حابارلاعان بولاتىن. الايدا قولايسىز كليماتتىق جاعدايلاردا جۇمىس بەرۋشى تاراپتاردىڭ كەلىسىمى بويىنشا جۇمىس رەجيمىن نەمەسە فورماتىن وزگەرتۋگە قۇقىلى.
ءوز كەزەگىندە جۇمىسشى دا باسشىلىققا كەستەنى وزگەرتۋ، يكەمدى جۇمىس ۋاقىتىن بەلگىلەۋ نەمەسە ۋاقىتشا قاشىقتان جۇمىس ىستەۋ تۋرالى ۇسىنىسپەن جۇگىنە الادى.
سونىمەن قاتار، ەگەر ەڭبەك جاعدايلارى ناقتى ءقاۋىپ توندىرسە، جۇمىستان باس تارتۋ ەڭبەك ءتارتىبىن بۇزۋ رەتىندە قاراستىرىلمايدى.
بۇعان دەيىن «كۋرسيۆ» قازاقستاندىقتار ءوزىن كەدەي سەزىنبەۋ ءۇشىن جان باسىنا 320 مىڭ تەڭگەگە دەيىن قاجەت ەكەنىن جازعان بولاتىن.