قازاقستان رەسپۋبليكاسى ەنەرگەتيكا مينيسترلىگى ۇشقىشسىز ۇشاقتار (درون) شابۋىلىنان كەيىن كاسپي قۇبىر كونسورسيۋمى (قتك) ارقىلى قازاقستاندىق مۇنايدى قابىلداۋدىڭ جەدەل قايتا باستالۋىنا ۇمىتتەنەدى. بۇل تۋرالى infohub.kz حابارلايدى.
قازاقستاننان مۇناي ەكسپورتىنىڭ شامامەن 80%-ى قتك ارقىلى وتەدى. ۆەدومستۆو قتك باسشىلىعىمەن، ءىرى جۇك جونەلتۋشىلەرمەن، كەمە يەلەرىمەن جانە سالالىق مەملەكەتتىك ورگاندارمەن تۇراقتى بايلانىستا ەكەنىن اتاپ ءوتتى. «ءقازىر ءقاۋىپسىز كەمە ءجۇزۋ جاعدايىن قامتاماسىز ەتۋ جانە قازاقستاندىق مۇنايدىڭ الەمدىك نارىقتارعا تۇراقتى ەكسپورتىن تەز ارادا قايتا جانداندىرۋ بويىنشا شەشىمدەر ازىرلەۋ ماقساتىندا ۇزدىكسىز كونسۋلتاسيالار وتكىزىلۋدە»، — دەلىنگەن مينەنەرگونىڭ رەسمي تۇسىندىرمەسىندە.
مينيسترلىك نوۆوروسسيسك (رەسەي) ماڭىنداعى قتك تەڭىز تەرمينالىندا كەمەلەر، ەكيپاجدار مەن قارا تەڭىز اكۆاتورياسىنداعى ەكولوگيا قاۋىپسىزدىگىن قامتاماسىز ەتۋ ءۇشىن تيەۋ وپەراسيالارىنىڭ ۋاقىتشا توقتاتىلعانىن راستادى. كونسورسيۋمنىڭ بارلىق وندىرىستىك جانە تەحنيكالىق نىساندارى جارامدى كۇيدە جانە قالىپتى رەجيمدە جۇمىس ىستەيدى، جاعداي قالىپقا كەلگەننەن كەيىن شيكىزاتتى قايتا تيەۋگە دايىن.
«قۇبىر جۇيەسىنە مۇناي قابىلداۋداعى شەكتەۋلەرگە بايلانىستى جانە مۇناي ءوندىرۋشى كومپانيالاردىڭ رەزەرۆۋار پاركتەرىنىڭ تولىپ كەتۋىنە جول بەرمەۋ ماقساتىندا تاۋلىكتىك ءوندىرىس دەڭگەيلەرىنە باقىلاناتىن تۇزەتۋ ەنگىزىلدى، بۇل مۇناي ءوندىرۋ كولەمىنىڭ ۋاقىتشا تومەندەۋىنە اكەلدى»، — دەپ حابارلادى مينەنەرگو، بۇل شارانىڭ تەحنولوگيالىق سيپاتىن اتاپ ءوتتى.
قتك-نىڭ قارا تەڭىزدەگى تەرمينالى جابىلعاننان كەيىن قازاقستاندا مۇناي ءوندىرۋ 20%-دان استامعا قىسقاردى. Reuters اگەنتتىگىنىڭ مالىمەتىنشە، 22 شىلدەدە ءوندىرۋ تاۋلىگىنە 1،63 ملن باررەلگە دەيىن تومەندەگەن، ال شىلدەدەگى ورتاشا كورسەتكىش 2،07 ملن باررەل بولعان، ياعني 21،3%-عا كەمىگەن. ەڭ ايتارلىقتاي قۇلدىراۋ تەڭىز كەن ورنىندا تىركەلدى، مۇندا ءوندىرۋ ەكى ەسەدەن استامعا – تاۋلىگىنە 925 مىڭنان 406 مىڭ باررەلگە دەيىن تومەندەدى. مۇناي-گاز سەكتورىنىڭ ساراپشىسى ولجاس ءبايدىلدينوۆ مۇناي سەكتورى مەن بيۋدجەتتىڭ كۇندەلىكتى شىعىنىن $32 ملن دەپ باعالادى.
بۇعان دەيىن Bloomberg اگەنتتىگى قتك ۋكراين دروندارىنىڭ تانكەرلەرگە جاساعان شابۋىلدارىنا بايلانىستى مۇناي قابىلداۋدى شەكتەۋگە ءماجبۇر بولاتىنىن حابارلادى. سوڭعى كۇندەرى تيەۋگە كەلە جاتقان نەمەسە قازاقستاندىق مۇنايدى تيەۋدە تۇرعان بىرنەشە كەمە شابۋىلعا ۇشىرادى.