الەۋمەتتىك جەلىدە دجيموتي اتتى ەنوتتىڭ بەينەجازبالارى تاراپ جاتىر. ۆەتەرينارلاردىڭ ايتۋىنشا، ونىڭ دەنەسىنىڭ ەرەكشە ءپىشىنى ج ۇلىننىڭ تۋا بىتكەن اقاۋىنان بولۋى مۇمكىن. بۇل تۋرالى infohub.kz حابارلايدى.
ءدجيموتيدىڭ بەينەجازبالارى بىرنەشە كۇن ىشىندە الەۋمەتتىك جەلى قولدانۋشىلارى مەن سيەتل تۇرعىندارىنىڭ كوزايىمىنا اينالدى. جانۋار ءوزىنىڭ ادەتتەن تىس دەنە پروپورسيالارى مەن ءپىشىنى ارقىلى نازار اۋدارتتى.
ۆاشينگتون شتاتى ۋنيۆەرسيتەتىنىڭ ۆەتەريناريا پروفەسسورى مارسي لوگسدون The Seattle Times باسىلىمىنا بەرگەن سۇحباتىندا اتاقتى ەنوتتىڭ سىرتقى كەلبەتىنە قاتىستى پىكىر ءبىلدىردى. ونىڭ ايتۋىنشا، بەينەجازبا ارقىلى ناقتى دياگنوز قويۋ قيىن بولعانىمەن، جانۋاردىڭ دەنە قۇرىلىمىنداعى ەرەكشەلىك ج ۇلىننىڭ تۋا بىتكەن مالفورماسياسىنان تۋىنداعان بولۋى ىقتيمال. فيزيولوگيالىق ەرەكشەلىكتەرگە قاراماستان، مامان ەنوتتىڭ ءومىر ءسۇرۋ ساپاسى جوعارى ەكەنىن اتاپ ءوتتى. لوگسدون ءدجيموتيدىڭ ءساتتى ەر جەتۋى ونىڭ قورشاعان ورتاعا تاماشا بەيىمدەلگەنىن جانە جابايى تابيعات جاعدايىندا تولىققاندى ءومىر سۇرە الاتىنىن كورسەتەتىنىن ايتتى.