كوپتەگەن كورەرمەن ايگىلى ءانشىنىڭ كونسەرتىنە كەلگەندە، ونىڭ نازارىن اۋدارىپ، سويلەسۋدى ارماندايدى. Kursiv LifeStyle رەداكسياسى ەنريكە يگلەسياستىڭ قازاقستانداعى كونسەرتىندە نازارعا ىلىگۋدىڭ ءتورت ءتاسىلىن انىقتادى... دەپ حابارلايدى infohub.kz.
ەسكە سالايىق، ءانشىنىڭ كونسەرتى 3 قىركۇيەكتە استانادا، 5 قىركۇيەكتە الماتىدا وتەدى. بىرىنشىدەن، شارانى ۇيىمداستىرۋشىلاردىڭ ايتۋىنشا، ءانشى شىعارماشىلىقپەن بەزەندىرىلگەن پلاكاتتارعا نازار اۋدارادى. لوندوندا ونىڭ ءانىنىڭ اتاۋى جازىلعان پلاكات ۇستاعان قىزدى ساحناعا شاقىرىپ، سول ءاندى ارنايى ورىنداپ بەردى.
ەكىنشىدەن، يگلەسياس ساحناعا جاقىن تۇرعان كورەرمەندەرگە ءجيى جاقىنداپ، ولارمەن قۇشاقتاسىپ، ميكروفونعا بىرنەشە جولدى بىرگە ايتۋدى ۇسىنادى.
ۇشىنشىدەن، جانكۇيەرلەردىڭ بىرىمەن Hero ءانىن ورىنداۋ بولەك داستۇرگە اينالعان. ەنريكە ونىمەن بيلەپ، سۋرەتكە تۇسەدى، كەيدە بىرنەشە جولدى ايتۋعا مۇمكىندىك بەرەدى.
تورتىنشىدەن، جۇلدىز ەرەكشە كوستيۋمدەردى نازاردان تىس قالدىرمايدى. ەڭ باستىسى، ولار الىستان كورىنەتىندەي بولۋى كەرەك. مىسالى، ۇيىمداستىرۋشىلار بىردەي فۋتبولكا كيىپ، كيىمگە قازاقتىڭ ۇلتتىق ەلەمەنتتەرىن نەمەسە تاقىرىپتىق اكسەسسۋارلاردى قوسۋدى ۇسىنادى.
بۇعان دەيىن «كۋرسيۆ» ءانشىنىڭ جانكۇيەر قىزدارمەن ءسۇيىسۋ داستۇرىنە بايلانىستى ونى قازاقستانعا العاشىندا جىبەرگىسى كەلمەگەنىن جازعان بولاتىن.