ەۋروپالىق وداق رەسەيگە قارسى 2022 جىلدان بەرگى ەڭ اۋقىمدى سانكسيالار پاكەتىن ەنگىزۋدى جوسپارلاپ وتىر. بۇل تۋرالى ەو-نىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى كايا كاللاس مالىمدەدى، دەپ حابارلايدى infohub.kz سايتى.
Die Welt باسىلىمىنا بەرگەن سۇحباتىندا (اۋدارماسىن گازەتا.ru جاساعان) كاللاس الداعى 22ء-شى سانكسيالار پاكەتى 2022 جىلدان بەرگى ەڭ ءىرىسى بولاتىنىن اتاپ ءوتتى. ونىڭ ايتۋىنشا، كەزەكتى پاكەت قابىلدانعاننان كەيىن سانكسيا تىزىمىنە ەنگەن رەسەيلىك تۇلعالار مەن ۇيىمداردىڭ سانى بىردەن ۇشتەن بىرگە ارتادى. سانكسيالىق قىسىمدى وسى كۇزدە باستاۋ جوسپارلانۋدا.
ەسكە سالايىق، 23 شىلدەدە ەۋروپالىق وداق رەسەيگە قارسى 21ء-شى سانكسيالار پاكەتى اياسىندا 170 ۇيىم مەن 48 جەكە تۇلعاعا قاتىستى شەكتەۋلەر ەنگىزگەن بولاتىن. اتاپ ايتقاندا، شەكتەۋلەرگە 94 رەسەيلىك جانە ءتورت شەتەلدىك بانك، سونداي-اق 33 نەسيە-قارجى ۇيىمى ىلىككەن.