ەۋروكوميسسيا ۋكرايناعا اسكەري تەحنيكا مەن قارۋ-جاراق ساتىپ الۋعا 6،1 ملرد ەۋرو جۇمسايدى، دەپ حابارلايدى infohub.kz سايتى.
بۇل تۋرالى ۋكراينانىڭ تاۋەلسىزدىك كۇنى قارساڭىندا كيەۆكە كەلگەن ەۋروكوميسسيا باسشىسى ۋرسۋلا فون دەر ليايەن مالىمدەدى. قاراجات ۋكرايناعا ءقازىر وتە قاجەت اۋە جانە زىمىرانعا قارسى قورعانىس جۇيەلەرىنە، زىمىراندارعا، وق-دارىلەرگە جانە راديولوكاسيالىق ستانسيالارعا جۇمسالادى، دەدى فون دەر ليايەن.
بۇل تولەم 2026-2027 جىلدارعا ارنالعان جالپى سوماسى 90 ملرد ەۋرو بولاتىن ۋكراينانى قولداۋ كرەديتىنىڭ (UASL) بولىگى بولىپ تابىلادى، دەپ اتاپ ءوتتى ەۋروكوميسسيا سايتىندا.
بۇعان دەيىن ۆلاديمير زەلەنسكي ۋكراينا تاۋەلسىزدىگىنىڭ 35 جىلدىعىنا وراي بەينەۇندەۋىندە وداقتاستاردى «وسى سوعىستى توقتاتۋ ءۇشىن، پۋتين كەلەسى سوعىستى باستاپ ۇلگەرمەي تۇرىپ، ونى تەزىرەك توقتاتۋ ءۇشىن ۋكرايناعا ءبارىن بەرۋگە» شاقىرعان، دەپ جازادى باسىلىم.