Eurasian Resources Group (ERG) كومپانياسىنىڭ ۇلەسىن بيزنەسمەن شاحمۇرات مۋتاليپ ساتىپ العانى تۋرالى بۇعان دەيىن جاريالانعان اقپاراتتى رەسمي تۇردە راستادى. بۇل تۋرالى Infohub.kz اقپارات اگەنتتىگى حابارلايدى.
ERG كومپانياسىنىڭ مالىمەتىنشە، شاحمۇرات مۋتاليپكە تيەسىلى Nature energy solutions Ltd. كومپانياسى ERG اكسيالارىنىڭ 39،3% ۇلەسىن پاتوح شوديەۆتەن (18،6%) جانە الەكساندر ماشكەۆيچتىڭ مۇراگەرلەرىنەن (20،7%) ساتىپ العان. بۇل وزگەرىستەر كومپانيانىڭ بيزنەسىن نىعايتىپ، باسقارۋ تيىمدىلىگىن ارتتىرۋعا باعىتتالعان.
كومپانيا قىزمەتىنە اسەر ەتپەيدى
ERG وكىلدەرى كومپانيانىڭ بارلىق كاسىپورىندارى شتاتتىق رەجيمدە جۇمىس ىستەپ تۇرعانىن اتاپ ءوتتى. اكسيالاردىڭ ساتىلۋى كومپانيانىڭ اعىمداعى وپەراسيالىق قىزمەتىنە، وندىرىستىك باعدارلامالاردى جۇزەگە اسىرۋعا جانە قىزمەتكەرلەر، سەرىكتەستەر مەن مەملەكەت الدىنداعى مىندەتتەمەلەرگە ەشقانداي اسەر ەتپەيدى.
ايتا كەتەيىك، بۇل مامىلە تۋرالى العاشقى اقپاراتتى كازتاگ اگەنتتىگى ناۋرىز ايىنىڭ باسىندا، ياعني ءۇش اي بۇرىن جاريالاعان بولاتىن.