استانادا بۇرىنعى شەنەۋنىك ەرجان باباكۋماروۆتىڭ ولىمىنە قاتىستى تەرگەۋ اياقتالدى. ءىس سوتقا جىبەرىلدى. بۇل تۋرالى ەلوردالىق پروكۋراتۋرا حابارلادى.
بۇل تۋرالى Infohub.kz اقپارات اگەنتتىگى حابارلايدى.
ءىس سوتقا قالاي جەتتى؟
پروكۋراتۋرانىڭ مالىمەتىنشە، ءىس ق ر قك 99-بابىنىڭ 1-بولىگى بويىنشا جۇرگىزىلدى. كۇدىكتى قاماۋدا وتىر. ءىس سوتقا ق ر قپك 300-305-باپتارىنىڭ تالاپتارىنا ساي جىبەرىلدى.
سوتتىڭ ءباسپاسوز قىزمەتى حابارلاعانداي، ءىس استانا قالاسىنىڭ مامانداندىرىلعان اۋدانارالىق قىلمىستىق سوتىنا ءتۇستى. ءىستى سۋديا ايجان كۋلباەۆا قارايدى. ول بۇعان دەيىن ەكس-مينيستر قۋاندىق بيشىمباەۆقا ۇكىم شىعارعان بولاتىن. الدىن الا تىڭداۋ 19 قاڭتارعا بەلگىلەندى.
ەرجان باباكۋماروۆتىڭ ءومىربايانى
ەرجان باباكۋماروۆ 1969 جىلى 2 ناۋرىزدا تالدىقورعان وبلىسىندا دۇنيەگە كەلگەن. ساياسي عىلىمدار كانديداتى. 1996 جىلدان باستاپ مەملەكەتتىك قىزمەتتە جۇمىس ىستەگەن. ءار ءتۇرلى لاۋازىمداردا قىزمەت اتقارعان، ونىڭ ىشىندە الماتى قالاسى اكىمىنىڭ ورىنباسارى بولعان.