قازاقستاندىق ارتىستەر ەركە ەسماحان مەن RaiM دەگەن اتپەن تانىمال رايىمبەك باقتىگەرەيەۆ يتالياداعى دەمالىستارىنىڭ كادرلارىمەن ءبولىستى. جۇلدىزدى جۇپ دەمالىس ءۇشىن كومو كولىنىڭ ءىنجۋ-مارجانى اتالاتىن كوركەم كۋرورتتىق قالاشىق بەللادجيونى تاڭدادى، دەپ حابارلايدى infohub.kz سايتى.
ەركە ءوز بلوگىندا يتالياندىق تابيعات اياسىندا تۇسكەن سۋرەتتەرىن جاريالادى. ول ەڭ جاقسى كادرلار كوبىنەسە كەزدەيسوق تۇسەتىنىن ايتتى. «كەيدە ەڭ ادەمى كادرلار قويىلىمسىز شىعادى. ءوزىمدى يتالياندىق كينونىڭ كەيىپكەرىندەي سەزىنەمىن»، — دەدى ءانشى.
جانكۇيەرلەر ءارتىس سۇلۋلىعى مەن تابيعات كورىنىستەرىنە ءتانتى بولدى. «بەللادجيونىڭ سۇلۋلىعى مەن ءسىزدىڭ كەلبەتىڭىز بىر-بىرىنە ساي. ءبىر قاراعاندا، بۇل جاي عانا كادر، ءبىراق مۇقيات قاراساڭىز، مۇنىڭ ۇلكەن ەڭبەكتىڭ، ارمانداردىڭ ورىندالۋىنىڭ، وزىنە سەنىمنىڭ ناتيجەسى ەكەنىن كورەسىز. قازاقستاننىڭ ەركە قىزى بولا بەرىڭىز»، «ءسىزدىڭ سۇلۋلىعىڭىزدى قاراپايىم سوزبەن جەتكىزۋ مۇمكىن ەمەس»، — دەپ جازدى جانكۇيەرلەر تۇسىنىكتەمەلەردە.
ال RaiM Instagram-دا كومو كولىندەگى كەرەمەت كۇن باتۋىن كورسەتتى. رەپەر يتالياندىق كۋرورتتىڭ اتموسفەراسىن سەزىنىپ، كەشكە شومىلۋدى ءجون كوردى.