نورۆەگيا قۇراماسىنىڭ شابۋىلشىسى ەرلينگ حولاند سۇيىكتىسى يزابەل يوحانسەنمەن بىرگە سيسيلياداعى تاورمينانىڭ ەجەلگى گرەك تەاترىندا وتكەن Dolce & Gabbana-نىڭ Alta Moda ەرلەر كوللەكسياسىنىڭ كورسەتىلىمىنە قاتىستى، دەپ حابارلايدى infohub.kz سايتى.
سپورتشى Dolce & Gabbana-نىڭ بروش جانە كرەم ءتۇستى شالبارىن تاڭدادى. ونىڭ سەرىگى تەرەڭ ويىقتى، مونشاقتارمەن اشەكەيلەنگەن ءمولدىر كويلەك كيدى. جۇپ «كرەستنىي وتەس» ءفيلمى تۇسىرىلگەن Alta Moda كورسەتىلىمىنە باردى.
حولاند يتاليالىق برەندپەن 2023 جىلدان بەرى ىنتىماقتاسىپ، الەۋمەتتىك جەلىلەردە ونىڭ ليۋكس زاتتارىنىڭ فوتوسۋرەتتەرىن ءجيى بولىسەدى. ونىڭ تاڭداعان جارى، 22 جاستاعى يوحانسەن دە فۋتبولدا مانسابىن باستاعان — ءدال سول كەزدە ولار تانىسقان. الايدا كەيىن ول كاسىبي سپورتتان كەتىپ، سانگەرلىك دۇكەندە جۇمىس ىستەگەن.
جۇپ بىرلەسكەن سۇحبات بەرمەيدى جانە جەكە ءومىرىن جاريا ەتپەيدى. 2024 جىلى ولاردىڭ بالاسى دۇنيەگە كەلگەنى بەلگىلى، ءبىراق ونىڭ سۋرەتتەرىن دە بولىسپەيدى.
Dolce & Gabbana ەرلەر كوللەكسياسىنىڭ نەگىزگى تاقىرىبى سيسيليالىق مادەنيەت پەن وپەرا ونەرىنىڭ بايلانىسى بولدى. بۇعان دەيىن Spider-Man فيلمدەرىنىڭ جۇلدىزى توم حوللاند بىردە الەۋمەتتىك جەلىلەردە ەرلينگ حولاندقا جازعانى، ءبىراق ونىڭ «ەلەمەگەنى» حابارلانعان بولاتىن.