ەرتەگى. جىل مەزگىلدەرى تۋرالى

ەرتە، ەرتە ەرتەدە، ەشكى ءجۇنى بورتەدە اق جايىقتىڭ جاعاسىندا ەلىنە ەلەۋلى، حالقىنا قالاۋلى، ءبىر دومالاق انا ءومىر ءسۇرىپتى. سول انادان تاراعان ءتورت قىز بار ەكەن. ولاردىڭ اۋىز دەسە اۋزى، كۇندەي جارقىراعان كوزى بار. دۇنيەنىڭ سۇلۋلىعىن وزدەرىنە دارىتقان سۇلۋ قىزدارى بولىپتى.
اناسى جاقسى تاربيە بەرىپتى، ۇلكەن قىزىنىڭ اتى «كوكتەم». ول اق جارقىن، مىنەزى نازىك. ەكىنشى قىز «جاز» جارقىراپ، جايدارلى، ءار ۋاقىتتا ك ۇلىمدەپ، نۇرىن شاشىپ جۇرەدى. ءۇشىنشى قىزى «كۇز» باسقا قىزدارعا قاراعاندا جىلاۋىق، جاڭبىرلى بولادى، ءبىراق قولى اشىق مىرزا ەكەن. ال كىشى قىزى «قىس» باسقا قىزدارىنا قاراعاندا سالقىن، قاتالداۋ.
قىزدارى بوي جەتىپ، سانالى دا سالماقتى قىز بولىپ ءوسىپتى. وسى قىزدارىن دومالاق انا وزدەرىنىڭ قۇتتى ورىندارىنا قوندىرىپتى.
ۇلكەن قىزى ارىستاي ءۇش ۇل تۋىپ، ۇشەۋى دە ەل قورعاعان باتىر بولىپتى.
ەكىنشى قىزى ءۇش قىز تۋىپ ۇشەۋى دە ادامزاتقا جان جىلۋىن سىيلاي بىلەتىن مەيىرىمدى قىزدار اتانىپتى.
ءۇشىنشى قىزى جازداي جايدارلى ءۇش قىزدى دۇنيەگە اكەلىپتى.
ءتورتىنشى قىزى بەرەكەسى مەن ىرىسى مول، قولدارى اشىق، كەلگەن قوناقتى ءقادىر تۇتاتىن، قوناقجاي ءۇش قىز ءوسىرىپتى.
وسى ءتورت قىزدان وربىگەن ۇرپاقتارى ەلگە، حالىققا پايداسىن تيگىزىپ، ەل اۋزىندا اتتارى اڭىزعا اينالىپتى. ولار جىلدىڭ ءتورت مەزگىلى مەن ون ەكى ايى ەكەن.