قازاقستان رەسپۋبليكاسى ۇكىمەتىنىڭ قاۋلىسىمەن ەرجان ەربول ۇلى ەرتايەۆ قازاقستان رەسپۋبليكاسى ەنەرگەتيكا ۆيسە-مينيسترى قىزمەتىنە تاعايىندالدى. بۇل تۋرالى infohub.kz سايتى حابارلايدى.
ۇكىمەتتىڭ ءباسپاسوز قىزمەتى ناقتىلاعانداي، ەرجان ەرتايەۆ 1985 جىلى پاۆلودار وبلىسىندا دۇنيەگە كەلگەن. ول يننوۆاسيالىق ەۋرازيا ۋنيۆەرسيتەتىن، سونداي-اق انحالت قولدانبالى عىلىمدار ۋنيۆەرسيتەتىن بىتىرگەن.
ەڭبەك جولىن 2009 جىلى جەكە قۇرىلىمدا ەلەكترومەحانيك بولىپ باستادى. 2009–2013 جىلدارى پاۆلودار وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ ەنەرگەتيكا بولىمىندە جەتەكشى مامان، باس مامان قىزمەتتەرىن اتقاردى.
2013–2014 جىلدارى يندۋستريا جانە جاڭا تەحنولوگيالار مينيسترلىگىنىڭ مەملەكەتتىك ەنەرگەتيكالىق قاداعالاۋ جانە باقىلاۋ كوميتەتىندە باس ساراپشى، باسقارما باسشىسى لاۋازىمدارىن يەلەندى.
2015–2018 جىلدارى قازاقستان رەسپۋبليكاسى ەنەرگەتيكا مينيسترلىگىنىڭ اقمولا جانە قاراعاندى وبلىستارى بويىنشا اۋماقتىق دەپارتامەنتتەرىن باسقاردى.
2018–2020 جىلدارى قازاقستان رەسپۋبليكاسى ەنەرگەتيكا مينيسترلىگى كوميتەتى ءتوراعاسىنىڭ ورىنباسارى بولدى.
2020–2021 جىلدارى پاۆلودار وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىن باسقاردى.
2021–2022 جىلدارى «سامۇرىق-ەنەرگو» باسقارما ءتوراعاسى اپپاراتىنىڭ باسشىسى قىزمەتىن اتقاردى.
2022–2023 جىلدارى «بولات نۇرجانوۆ اتىنداعى ەكىباستۇز گرەس-1» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى بولدى.
2023–2024 جىلدارى ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ جانە باقىلاۋ كوميتەتى ءتوراعاسىنىڭ ورىنباسارى قىزمەتىندە بولدى.
2024 جىلدىڭ شىلدەسىنەن باستاپ وسى ۋاقىتقا دەيىن قازاقستان رەسپۋبليكاسى ەنەرگەتيكا مينيسترلىگىنىڭ مەملەكەتتىك ەنەرگەتيكالىق قاداعالاۋ جانە باقىلاۋ كوميتەتىنىڭ ءتوراعاسى قىزمەتىن اتقاردى.