قازاقستان پرەزيدەنتى قاسىم-جومارت توقايەۆ وڭىرلىك باسقارۋدا ماڭىزدى كادرلىق تاعايىنداۋ جاسادى. ۇلىتاۋ وبلىسىنىڭ جاڭا باسشىسى ەسەت بايكەن بولدى، دەپ حابارلايدى infohub.kz سايتى.
اقوردا ءباسپاسوز قىزمەتىنىڭ حابارلاۋىنشا، مەملەكەت باسشىسىنىڭ جارلىعىمەن بايكەن ەسەت بەرىك ۇلى ۇلىتاۋ وبلىسىنىڭ اكىمى بولىپ تاعايىندالدى.
بايكەن ەسەت بەرىك ۇلى مەملەكەتتىك ورگانداردا ەلەۋلى جۇمىس تاجىريبەسىنە يە جانە وڭىرلىك باسقارۋ ەرەكشەلىكتەرىن جاقسى بىلەدى. ول ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «زاڭگەر» ماماندىعى بويىنشا جانە قازتۇتىنۋوداعى قاراعاندى ەكونوميكالىق ۋنيۆەرسيتەتىن «ەكونوميست» ماماندىعى بويىنشا بىتىرگەن.
مانسابىن ق ر ەكونوميكا جانە بيۋدجەتتىك جوسپارلاۋ مينيسترلىگىندە باستاعان. ق ر پرەمەر-مينيسترىنىڭ كەڭسەسىندە جانە پرەزيدەنت اكىمشىلىگىندە قىزمەت ىستەگەن. استانا قالاسى نۇرا اۋدانىنىڭ اكىمى قىزمەتىن اتقارعان. جاڭا تاعايىنداۋعا دەيىن استانا قالاسى اكىمىنىڭ ورىنباسارى بولىپ جۇمىس ىستەپ، الەۋمەتتىك سالا، ىشكى ساياسات جانە مادەنيەت ماسەلەلەرىنە جەتەكشىلىك ەتكەن.