زەرتتەۋشىلەر 5300 جىلدىق مۇز مۋمياسى ەتسيدە باستاپقى ىشەك باكتەريالارى مەن مۇزدىقتاعى سۋىقسۇيگىش اشىتقىلار ساقتالعانىن انىقتادى، دەپ حابارلايدى infohub.kz سايتى.
Eurac Research زەرتتەۋ ورتالىعىنىڭ حالىقارالىق عالىمدار توبى تيرولدىك مۇز ادامى ەتسيدىڭ ميكروبيومىن زەرتتەدى. ماماندار 1991 جىلى ءالپى تاۋلارىنان تابىلعان مۋميانىڭ ىشەك ۇلگىلەرىن، ەرىگەن سۋ مەن مۇز بەتىندەگى ۇلگىلەردى تالدادى.
زەرتتەۋ بارىسىندا بيولوگتار ادام ءتىرى كەزىندە ورگانيزمدە ءومىر سۇرگەن ەجەلگى باكتەريالار مەن ول قايتىس بولعاننان كەيىن دەنەگە تۇسكەن ميكروورگانيزمدەردى اجىراتا الدى. ىشەكتە ەجەلگى ادام پوپۋلياسيالارىنا ءتان باستاپقى ميكروفلورانىڭ ىزدەرى ساقتالعان. سونىمەن قاتار تەرىدە جانە ىشكى تىندەردە وتە تومەن تەمپەراتۋراعا بەيىمدەلگەن اشىتقىلاردىڭ ەرەكشە تۇرلەرى تابىلدى. گەنەتيكالىق تالداۋ بۇل ساڭىراۋقۇلاقتاردىڭ انتاركتيداداعى شتاممدارعا تۋىس ەكەنىن كورسەتتى.
ميكروبيولوگ موحامەد سارحاننىڭ ايتۋىنشا، عالىمدار بەس مىڭ جىلدان استام جاستاعى ميكروبتار مەن قازىرگى تۇرلەردىڭ بىرەگەي سيمبيوزىمەن اينالىسىپ وتىر. مۋميا مينۋس التى گرادۋس تەمپەراتۋرادا ساقتالادى، بۇل ورگانيكالىق زاتتاردىڭ بۇزىلۋ ءقاۋپىنسىز تۇراقتىلىعىن ساقتاۋعا مۇمكىندىك بەرەدى.