ەۋروپا حالقىنىڭ سانى رەكوردتىق دەڭگەيگە جەتكەنىمەن، دەموگرافتار ونىڭ ۇزاق مەرزىمدە ازاياتىنىن بولجايدى. ەۋروكوميسسيانىڭ بىرىككەن زەرتتەۋ ورتالىعىنىڭ بايانداماسىندا ەۋروپالىق وداق ەلدەرىنىڭ حالقى 450 ميلليون 600 مىڭ ادامدى قۇراپ، بۇل وداق تاريحىنداعى ەڭ جوعارى كورسەتكىش ەكەنى ايتىلعان، دەپ حابارلايدى infohub.kz.
ەڭ كوپ حالىق سانىنىڭ ءوسىمى ليۋكسەمبۋرگ، كيپر جانە مالتادا تىركەلدى. ال ەڭ تومەن كورسەتكىشتەر لاتۆيا، ۆەنگريا جانە ەستونيادا بايقالدى.
ەو ەلدەرىندە 2024 جىلى ءومىر ءسۇرۋ ۇزاقتىعى 82 جاسقا جەتتى. ساراپشىلاردىڭ باعالاۋىنشا، حالىق سانىنىڭ ءوسۋىنىڭ نەگىزگى درايۆەرى — كوشى-قون اعىنى. بولاشاقتا بۇل جۇمىس كۇشى تاپشىلىعىنا جانە دەنساۋلىق ساقتاۋ مەن ءبىلىم بەرۋ جۇيەسىنە جۇكتەمەنىڭ ارتۋىنا اكەلۋى مۇمكىن. سونىمەن قاتار، قارت ادامدارعا ارنالعان تاۋارلار مەن قىزمەتتەر نارىعىنىڭ دامۋىنا مۇمكىندىك تۋادى.
سونىمەن قاتار، اناليتيكتەر 2100 جىلعا قاراي ەۋروپا حالقى ازايا باستاپ، 398 ميلليون ادامدى قۇرايدى دەپ بولجايدى.