ەۋروپادا 2026 جىلى بولعان انومالدى ىستىق 25 مىڭنان استام ادامنىڭ قازاسىنا سەبەپ بولدى، دەپ حابارلايدى infohub.kz.
Bloomberg اگەنتتىگىنىڭ ۇلتتىق ۆەدومستۆولاردىڭ دەرەكتەرىنە سۇيەنگەن مالىمەتىنشە، قۇرباندار سانى 25 مىڭنان استى. دەگەنمەن، ناقتى ارتىق ءولىم كورسەتكىشتەرى ودان دا جوعارى بولۋى مۇمكىن، سەبەبى رەسمي ستاتيستيكا تولاسسىز جالعاسقان تىم جوعارى تەمپەراتۋرا تولقىندارىنا بايلانىستى كەشىگىپ كەلەدى.
قۇرباندار سانى بويىنشا گەرمانيا كوش باستاپ تۇر: روبەرت كوح ينستيتۋتى (RKI) ءساۋىر ايىنان بەرى ەلدەگى ارتىق ءولىمدى شامامەن 11 900 ادام دەپ باعالاپ وتىر، ونىڭ 9 000-نان استامى سوڭعى ءبىر اي ىشىندە قايتىس بولعان.
يسپانيا، فرانسيا، ۇلىبريتانيا، شۆەيساريا جانە نيدەرلاندتا دا ءولىم كورسەتكىشتەرى جوعارى. كەلەسى اپتادا كەيبىر ايماقتاردا ىستىق ودان ءارى كۇشەيەدى دەپ كۇتىلۋدە: لوندوندا شامامەن 34 گرادۋس، پاريجدە 38 گرادۋسقا جۋىق بولجانىپ وتىر.
الدىڭعى كۇنى سلوۆاكيا، اۆستريا جانە ۆەنگريادا تەمپەراتۋرا رەكوردتارى تىركەلدى: اۋا 41-42 گرادۋسقا دەيىن قىزدى.
ەۋروپادا قازا تاپقانداردىڭ 80 پايىزدان استامى — 75 جاستان اسقان قارت ادامدار.
ەۋروپالىق قورشاعان ورتا اگەنتتىگىنىڭ ساراپشىلارى ونجىلدىقتىڭ سوڭىنا قاراي ىستىقتىڭ ەۋروپاعا تيگىزەتىن ەكونوميكالىق شىعىنىن €800 ملرد دەپ باعالاپ وتىر.
بۇعان دەيىن «كۋرسيۆ» ەۋروپاداعى ىستىق ءبىر اپتا ىشىندە 12 مىڭنان استام ادامنىڭ ولىمىنە سەبەپ بولۋى مۇمكىن ەكەنىن حابارلاعان.