ەۋروپالىق حابار تاراتۋ وداعى اسكەري قيمىلدارعا قاتىسىپ جاتقان ەلدەرگە «ەۆروۆيدەنيە» ءان بايقاۋىن وتكىزۋگە رەسمي تۇردە تىيىم سالدى، دەپ حابارلايدى infohub.kz.
ەۋروپالىق حابار تاراتۋ وداعى (EBU) حالىقارالىق ءان بايقاۋىن وتكىزۋ ەرەجەلەرىنە وزگەرىستەر ەنگىزىلگەنىن مالىمدەدى. ەندى وكىلى «ەۆروۆيدەنيەدە» جەڭىسكە جەتكەن ەل، ەگەر سول ەلدىڭ نەمەسە وعان تىكەلەي ىرگەلەس ايماقتىڭ قاۋىپسىزدىگىنە قارۋلى قاقتىعىس نەمەسە كۇردەلى گەوساياسي جاعداي ايتارلىقتاي اسەر ەتسە، كەلەسى جىلى بايقاۋدى ءوز اۋماعىندا وتكىزۋ قۇقىعىنان اۆتوماتتى تۇردە ايىرىلادى.
ەرەجەنىڭ جاڭا رەداكسياسىندا: «قاجەت بولعان جاعدايدا EBU جەڭىمپاز ەل ايماعىنداعى قاۋىپسىزدىك دەڭگەيىنە تاۋەلسىز باعالاۋ جۇرگىزۋدى باستاماشىلىق ەتە الادى. وسى باعالاۋ ناتيجەلەرى بويىنشا EBU رەفەرەنتتىك توپپەن بىرلەسىپ، جەڭىمپاز ەلدىڭ حابار تاراتۋ كومپانياسى بايقاۋدىڭ ءقاۋىپسىز ءوتۋىن قامتاماسىز ەتە الاتىنىن انىقتايدى. ەگەر جەڭىمپاز ەلدىڭ حابار تاراتۋ كومپانياسى بايقاۋدى قابىلداي المايدى دەپ تانىلسا، EBU بالامالى ۇيىمداستىرۋشى-حابار تاراتۋشىنى انىقتايدى»، — دەلىنگەن.
ەسكە سالايىق، مامىر ايىندا يسپانيا، يسلانديا، يرلانديا، سلوۆەنيا جانە نيدەرلاند ەلدەرى ءيزرايلدىڭ بايقاۋعا قايتا قاتىسۋىنا رۇقسات بەرىلگەننەن كەيىن باستى ەۋروپالىق ءان بايقاۋىنا بويكوت جاريالاعانى بەلگىلى بولدى.