كەشە فرانسيا پارلامەنتى ەۆتانازيا تۋرالى زاڭدى قابىلداپ، فرانسۋزداردىڭ ەۆتانازيا قۇقىعىن تۇپكىلىكتى بەكىتتى. بۇل تۋرالى DW-گە سىلتەمە جاساپ، infohub.kz سايتى حابارلايدى.
شەشىم رەكوردتىق ءۇش وقىلىمنان كەيىن قابىلداندى. قابىلدانعان زاڭ بويىنشا، ەسى دۇرىس، ەمى جوق اۋرۋدىڭ سوڭعى ساتىسىنداعى كامەلەتكە تولعان ناۋقاستار ولىمگە اكەلەتىن دارى-دارمەكتەردى قابىلداي الادى. دارى-دارمەكتەردى دارىگەر تاعايىندايدى، ول الدىن الا باسقا ماماندارمەن كەڭەسۋى ءتيىس.
ادەتتە ناۋقاستار دارى-دارمەكتەردى وزدەرى قابىلدايدى. ەگەر ولار فيزيكالىق تۇرعىدان مۇنى ىستەي الماسا، دارىگەر نەمەسە مەدبيكە كومەك كورسەتەدى. وسىعان ۇقساس زاڭدار ەۋروپا وداعىنىڭ كوپتەگەن ەلدەرىندە بار ەكەنى اتاپ وتىلەدى.
زاڭ جوباسى ۇلتتىق جينالىستا دا، سەناتتا دا ءۇش وقىلىمنان ءوتتى. ۇلتتىق جينالىس زاڭدى قولداسا، كونسەرۆاتيۆتى پالاتا سانالاتىن سەنات ونى ءۇش رەت قابىلدامادى. فرانسيا كونستيتۋسياسى بويىنشا سوڭعى ءسوز ۇلتتىق جينالىستا قالدى، سوندىقتان زاڭ قابىلداندى.