Eye Benders كىتابىنان الىنعان وپتيكالىق يلليۋزيالاردىڭ تۇسىندىرمەلەرى
كليۆ گيففوردتىڭ «Eye Benders: The Science of Seeing and Believing» كىتابىنان الىنعان كەيبىر يلليۋزيالار تومەندە كەلتىرىلگەن.
كەيبىر كوزبەن كورىنەتىن يلليۋزيالار كوزدىڭ جۇمىس ىستەۋىنە بايلانىستى، ءبىراق كوبىسى ميعا كەلىپ تۇسكەن سيگنالداردى وڭدەۋىنە بايلانىستى بولىپ كەلەدى.
بۇل سۋرەتكە مۇقيات قاراساڭىز جاپىراقتار قوزعالىپ جاتقان سياقتى بولىپ كورىنەدى.
بۇل قوزعالماي تۇرعان ديسكتەرگە مۇقيات قاراساڭىز سىزگە ولار قوزعالىپ جاتقانداي بولادى. ال ەگەر كەز كەلگەن ءبىر ديسكتىڭ سەنترىنە قاراپ تۇرساڭىز جالعان قوزعالىس توقتايدى. سۋرەتكە قاراعاندا كوزدەرىڭىز كىشكەنتاي بولشەكتەردى توعىستىرماقشى بولادى، سونىڭ سالدارىنان «قوزعالىس» ەففەكتى تۋىندايدى.
مي تاڭعاجايىپ تۇردە تولىق ەمەس دەرەكتەردەگى بوستىقتاردى تولىقتىرىپ، شابلونداردى تابا الادى. سونىمەن قوسا وسىنداي «مۇمكىن ەمەس» سۋرەتتەردى قابىلداي الادى. فوننان ءپىلدىڭ اياعىن ءبولۋ وتە قيىن.
كۋبتىڭ قىرلارىندا قانشا ءتۇرلى ءتۇس بار؟ ەگەر ءسىز جەتى ءتۇستى تاپساڭىز (اق، سارى، كوك، قىزىل، جاسىل، قوڭىر جانە قىزعىلت سارى) وندا ءسىز كوپتەگەن ادامدار سياقتى قاتەلەستىڭىز. نەگىزىندە ول جەردە تەك التى ءتۇس بار. ۇستىڭگى قىردىڭ ورتاسىنداعى بولشەگىنىڭ (قوڭىر بولىپ كورىنىپ تۇرعان) ءتۇسى، الدىڭعى قىردىڭ ورتاسىنداعى بولشەگىنىڭ (قىزعىلت سارى بولىپ كورىنىپ تۇرعان) تۇسىمەن بىردەي. سەنۋ مۇمكىن ەمەس، الايدا ەكى تەسىگى بار قاعاز ارقىلى نەمەسە فوتوشوپ ارقىلى تەكسەرۋىڭىزگە بولادى.
ەكى ۇستەلدىڭ قايسى ۇزىنىراق دەپ ويلايسىز؟ مۇمكىن ولاردىڭ ۇزىندىقتارى بىردەي شىعار؟ ولشەپ كورىڭىز تاڭ قالاسىز.
كۋبتى كورىپ تۇرسىز با؟ ولاي بولسا، ول جەردە كۋب جوق. كەيدە ءبىزدىڭ ميىمىز تانىس ءپىشىن تابۋدا، سۋرەتكە ماعىنا بەرمەكشى بولعان كەزدەرىندە شامادان تىس كەتەدى. ميىمىز ءتۇس جانە تەكستۋرا وزگەرمەگەن جەرلەرگە قابىرعالاردى قوسادى.
ءسىزدىڭ ويىڭىزشا قىزعىلت سارى شەڭبەرلەردىڭ قايسى ۇلكەن؟ وڭ جاقتاعى ۇلكەن بولىپ كورىنگەنىمەن ەكەۋى بىردەي. ادەتتە ميىمىز زاتتاردىڭ ولشەمىن سالىستىرعاندا، ولارعا دەيىنگى قاشىقتىقتى انىقتاعاندا شاتاسپايدى. ءبىراق ميدى الداۋعا بولادى.
تورعا ۇزاق قاراساڭىز، كۆادراتتاردىڭ بۇرىشتارىندا سۇر شەڭبەرلەردىڭ پايدا بولعانىن بايقايسىز. ءبىراق ولارعا نازار اۋدارساڭىز ولار جوق بولادى. بۇل پەريفەريالىق كورۋ. وسىلايشا، سۋرەت ارقىلى ىنتالاندىرۋ كەزىندە سيگنال شىعاراتىن نەيروندار، باسقا نەيرونداردىڭ سيگنالدارىن كەپتەيدى.
فون جانە ورتاعا بايلانىستى ءتۇستى قابىلداۋدىڭ بۇزىلۋىنا تاعى ءبىر مىسال. سۋرەتتەگى قىزىل جانە قىزعىلت پيكسەلدى سىزىقتار نەگىزىندە قىزىل رەڭكتى پيكسەلدەردەن تۇرادى.
You Might Also Like
-
ءبىر قۇمىرسقا ارىستاننىڭ قول استىندا جۇمىس ىستەيدى. كۇندە تاڭ ەرتەڭگىسىن ەرتە كەلىپ، جۇمىسىن كوتەرىڭكى كوڭىل-كۇيمەن باستايدى. كوپ ەڭبەك ەتەتىندىكتەن جۇمىستىڭ ونىمدىلىگى دە وتە كوپ بولاتىن جانە بۇلار...
