اقش فەدەرالدىق تەرگەۋ بيۋروسىنىڭ ديرەكتورى كەش پاتەل وزىنەن 18 جاس كىشى كانتري ءانشىسى الەكسيس ۋيلكينسكە ۇيلەندى، دەپ حابارلايدى infohub.kz سايتى.
نەكە قيۋ تۋرالى ۋيلكينس الەۋمەتتىك جەلىدەگى X پاراقشاسىندا جاريالادى. «قاتىناسىمىزدى زاڭداستىردىق»، — دەپ جازدى ول.
جاريالانعان اق-قارا سۋرەتتە جۇپ كامەراعا قاراپ ك ۇلىمسىرەپ تۇر، ال الەكسيس ساۋساعىنداعى جۇزىكتى كورسەتەدى. فبر باسشىسى بۇل جازبانى ءوز پاراقشاسىنا رەپوست جاساپ، جۇزىك پەن جۇرەك ەمودزيلەرىن قوسىپ قويدى.
ريا ءنوۆوستيدىڭ جازۋىنشا، ۋيلكينس 1998 جىلى بوستوندا دۇنيەگە كەلگەن، بالا كەزىندە تەلەسەريالدارعا تۇسكەن. ايتا كەتەيىك، 2024 جىلعى سايلاۋ الدىندا ول ەكىنشى مەرزىمگە سايلانعان دونالد ترامپتى قولداۋ ماقساتىندا اندەر جازعان. سونداي-اق ونىڭ پاراقشاسىندا اقش كونگرەسىندەگى وكىلدەر پالاتاسىنىڭ ءباسپاسوز حاتشىسى بولعانى كورسەتىلگەن.
كەش پاتەل 1980 جىلى تۋعان. دونالد ترامپ ەكىنشى مەرزىمگە سايلانعاننان كەيىن ول فبر-گە باسشىلىق ەتتى.