فيدجيدە ادام يممۋن تاپشىلىعى ۆيرۋسىنا بايلانىستى احۋال كۇرت ۋشىقتى: ءبىر جىلدا جاڭا دياگنوز سانى 27%-عا ارتقان سوڭ، بيلىك ايتۆ ينفەكسياسىن ۇلتتىق ماسەلە دەپ جاريالادى، دەپ حابارلايدى infohub.kz سايتى.
Reuters اگەنتتىگىنىڭ جازۋىنشا، 2025 جىلى ايتۆ ينفەكسياسى 2 016 ادامنان انىقتالعان. سول جىلى 59 بالا ايتۆ-مەن دۇنيەگە كەلگەن، ولاردىڭ 18ء-ى ءبىر جاسقا تولماي كوز جۇمعان.
بيلىكتىڭ مالىمدەۋىنشە، تەستىلەۋدى كەڭەيتۋ اۋرۋدى ەرتەرەك ساتىدا ەمدەۋگە مۇمكىندىك بەردى. ەندى فيدجي تەگىن ءارى قۇپيا تەستىلەۋگە، سونداي-اق الدىن الۋ دارىلەرىنە قولجەتىمدىلىكتى كەڭەيتۋدى جوسپارلاپ وتىر.
ايتا كەتەيىك، حالقى شامامەن 900 مىڭ ادام بولاتىن فيدجيدە جاڭا جۇقپا جاعدايلارىنىڭ ءوسۋ قارقىنى الەمدەگى ەڭ جوعارىلاردىڭ ءبىرى. كەيبىر باعالاۋلار بويىنشا، بىلتىر مۇندا 9 100 ايتۆ-ينفەكسياسىن جۇقتىرعان ادام تۇرعان، الايدا ولاردىڭ تەك 39%-ى ءوز مارتەبەسىن بىلگەن، ال 22%-ى انتيرەتروۆيرۋستىق تەراپيا قابىلداعان.
دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، فيدجيدە ءقازىر ءاربىر 60-ىنشى ەرەسەك ادام ايتۆ-مەن ءومىر ءسۇرىپ جاتىر. الايدا بۇل كورسەتكىش افريكانىڭ كەيبىر ايماقتارىنا قاراعاندا تومەن — وندا ددۇ دەرەگىنشە، ءاربىر 35ء-ىنشى ەرەسەك ادامدا وسىنداي دياگنوز بار.
بۇعان دەيىن «كۋرسيۆ» زەرتتەۋشىلەر نارەستەلەردە ايتۆ ەمىن ارنايى انتيدەنەلەر ارقىلى تيىمدىرەك ەتۋگە بولا ما، سونى تەكسەرگەنىن جازعان.
ەسكە سالايىق، بۇگىندە الەمدە شامامەن 1،5 ملن بالا ايتۆ-مەن ءومىر سۇرەدى، ال جىل سايىن ۆيرۋستى شامامەن 130 مىڭ نارەستە جۇقتىرادى.