حالىقارالىق فۋتبول فەدەراسياسى (فيفا) ۇيىم باسشىسى دجانني ينفانتينونىڭ بەدەلىنە نۇقسان كەلتىرۋ ارەكەتتەرى تۋرالى مالىمدەمە جاريالادى، دەپ حابارلايدى infohub.kz سايتى.
بۇل الەم چەمپيوناتىنىڭ قۇقىقتارىن ساتۋعا قاتىستى داۋ-داماي اياسىندا ورىن الدى. مالىمدەمەدە: «كەيبىر تۇلعالار فيفا مەن ونىڭ پرەزيدەنتىنىڭ پوزيسياسىنا نۇقسان كەلتىرۋ ءۇشىن ۇيلەستىرىلگەن جانە تۇراقتى ارەكەتتەر جاساپ جاتقانى بارعان سايىن ايقىن بولا تۇسۋدە. فيفا-عا مۇشە ۇلتتىق اسسوسياسيالاردىڭ قولداۋىنا يە ەمەستەر، فيفا-نىڭ بەلگىلەنگەن دەموكراتيالىق راسىمدەرى اياسىندا قول جەتكىزە المايتىن نارسەگە ايىپتاۋلار، جورامالدار نەمەسە جالعان اقپارات ارقىلى جەتۋگە تىرىسپاۋى كەرەك»، — دەلىنگەن.
ۇيىمدا سوڭعى جاريالانىمداردا فيفا مەن ونىڭ پرەزيدەنتىنە قاتىستى راستالماعان مالىمدەمەلەر مەن جالعان ايىپتاۋلار بولعانىن اتاپ ءوتتى. «جورامالدار مەن بولجامدار فاكت رەتىندە ۇسىنىلماۋى كەرەك، ال ايىپتاۋدىڭ قايتالانۋى ونى شىندىققا اينالدىرمايدى»، — دەدى فيفا وكىلدەرى. ەگەر جاريالانىمداردا ءدال ەمەس نەمەسە جاڭىلىستىراتىن اقپارات بولسا، ۇيىم وعان تىكەلەي جانە باتىل تۇردە قارسى شىعاتىنىن ايتتى.
«فيفا-نىڭ 211 ۇلتتىق اسسوسياسيا الدىنداعى جانە بۇكىل الەمدەگى فۋتبول الدىنداعى جاۋاپكەرشىلىگى زور. ءبىز ۇيىمدى نىعايتۋ، مۇشە اسسوسياسيالار الدىنداعى مىندەتتەردى ورىنداۋ جانە فۋتبولدى شىنىمەن جاھاندىق سپورت تۇرىنە اينالدىرۋ جۇمىسىن جالعاستىرۋ ىسىنەن الشاقتاۋعا جول بەرمەيمىز. پرەزيدەنت پەن ۇيىم اكىمشىلىگى وسى ميسسياعا تولىقتاي جۇمىلدىرىلعان جانە ونى اياقتاۋعا بۇرىنعىدان دا باتىل»، — دەلىنگەن مالىمدەمەدە.
بۇعان دەيىن فيفا ەرلەر، ايەلدەر جانە كلۋبتىق الەم چەمپيوناتتارىنىڭ قۇقىقتارىن جەكە ينۆەستورلارعا ساتۋ جوباسىن ازىرلەگەن بولاتىن. ەۋروپالىق فۋتبول قاۋىمداستىقتارى وداعىنىڭ (ۋەفا) بارلىق مۇشەلەرى بۇعان جاۋاپ رەتىندە فيفا تۋرنيرلەرىنە بويكوت جاريالاپ، بۇل باستامادان تولىق باس تارتۋدى تالاپ ەتتى. ۋەفا-نىڭ ۇستانىمىن امەريكا جانە ازيا كونفەدەراسيالارى قولدادى. ولاردىڭ بارلىعى فيفا-نى جاڭا كوممەرسيالىق تۇجىرىمدامانى قالىپتاستىرۋدا جەتكىلىكتى اشىقتىق تانىتپادى دەپ ايىپتادى.
داۋ-داماي اياسىندا فيفا باسشىسىنىڭ كەڭەسشىسى نارازىلىق رەتىندە جۇمىستان كەتكەنى بەلگىلى بولدى. ۋەفا ءتىپتى الەم چەمپيوناتىنىڭ ءوز نۇسقاسىن وتكىزۋ جوسپارىن ازىرلەدى.
كەيىن فيفا الەم چەمپيوناتىنىڭ قۇقىقتارىن ساتۋدىڭ داۋلى جوسپارىن جۇزەگە اسىرۋدان باس تارتتى.
جاقىندا فيفا باسشىلىعى ينفانتينوعا قولداۋ ءبىلدىرىپ، چم قۇقىقتارىن ساتۋ جوباسىنداعى قاتەلىكتەردى مويىندادى.