ءفيليپپيننىڭ وڭتۇستىگىندەگى وڭتۇستىك كوتاباتو پروۆينسياسىنىڭ بانگا قالاسىنداعى بانگا ۇلتتىق ورتا مەكتەبىندە قايعىلى وقيعا بولدى: كەمىندە التى ادام قازا تاۋىپ، تاعى 17 ادام جارالاندى. الدىن الا مالىمەتتەرگە قاراعاندا، اتىس اشقان كۇدىكتى دە قازا تاپقاندار قاتارىندا، دەپ حابارلايدى infohub.kz سايتى.
ەلدىڭ الەۋمەتتىك قامسىزداندىرۋ جانە دامۋ دەپارتامەنتىنىڭ دەرەگىنشە، قۇرباندار سانى كەمىندە التى ادام، تاعى 17 ادام جاراقات العان. اتىس اشقان ادام وسى مەكتەپتىڭ وقۋشىسى بولعان دەپ بولجانىپ وتىر؛ ول دا قازا تاپقان.
وقيعادان كەيىن بانگا قالاسىندا بارلىق دەڭگەيدەگى ساباقتار ۋاقىتشا توقتاتىلدى. بۇل تۋرالى قالالىق اپات ءقاۋپىن ازايتۋ جانە توتەنشە جاعدايلاردى باسقارۋ باسقارماسى حابارلادى.
ءبىلىم مينيسترلىگى بولعان جاعدايعا الاڭداۋشىلىق ءبىلدىرىپ، مەكتەپ اكىمشىلىگىمەن، جەرگىلىكتى بيلىكپەن جانە قۇقىق قورعاۋ ورگاندارىمەن بىرلەسىپ جۇمىس ىستەپ جاتقانىن مالىمدەدى.
«ءبىزدىڭ باستى باسىمدىعىمىز — وقۋشىلارىمىزدىڭ، مۇعالىمدەرىمىزدىڭ جانە مەكتەپ قىزمەتكەرلەرىنىڭ قاۋىپسىزدىگى مەن ءال-اۋقاتى»، — دەدى ۆەدومستۆو وكىلدەرى.
زارداپ شەككەندەرگە جانە قايعىلى وقيعاعا تاپ بولعان باسقا دا ادامدارعا پسيحولوگيالىق كومەك، سونداي-اق پسيحيكالىق دەنساۋلىقتى قولداۋ جانە پسيحوالەۋمەتتىك وڭالتۋ كورسەتىلەدى دەپ ۋادە ەتىلدى.
ءبىلىم مينيسترلىگى سونداي-اق بيلىك وقيعانىڭ ءمان-جايىن انىقتاپ جاتقانشا، تەكسەرىلمەگەن اقپاراتتى تاراتپاۋعا شاقىردى. جۇما كۇنگى اتىستىڭ ىقتيمال سەبەبى ازىرگە جاريالانعان جوق.