اقش-تىڭ فلوريدا شتاتىندا پوليسيا 25 جاستاعى ەر ادامدى ۇستادى. ول ءقوناقۇي بولمەسىنە زاڭسىز كىرىپ، ۇيىقتاپ جاتقان جۇپتىڭ توسەگىنىڭ استىندا ءتۇنى بويى تىعىلعان، دەپ حابارلايدى infohub.kz سايتى.
وقيعا دورال قالاسىنداعى Provident Doral قوناقۇيىندە بولعان. جۇپ بولمەگە ورنالاسىپ، ارتقى جىلجىمالى شىنى ەسىكتىڭ ءجاليۋزيىن جاۋىپ، ۇيىقتاۋعا جاتتى. تۇندە ايەل توسەك ماڭىنداعى ءبىرتۇرلى قوزعالىستان بىرنەشە رەت ويانىپ، الايدا وعان ءمان بەرمەگەن. تاڭعى 7:30 شاماسىندا كەتەر الدىندا توسەك استىن تەكسەرىپ، ول سوندا بەيتانىس ادامدى بايقاعان.
پوليسەيلەر انىقتاعانداي، ريچەل كالۆەر ەسىمدى قىلمىسكەر بولمەگە بالكون قورشاۋىنان اسىپ كىرگەن. ول جىلجىمالى ەسىك ارقىلى بايقاتپاي ىشكە كىرىپ، جۇپتىڭ توسەگىنىڭ استىندا ءتۇنى بويى جاتقان. بۇعان دەيىن كۇدىكتى وسى قوناقۇيدە تۇرعانى، ءبىراق شىعارىلعاننان كەيىن مەنەدجمەنت وعان اۋماققا قايتا كەلمەۋدى وتىنگەنى بەلگىلى.
قۇقىق قورعاۋ ورگاندارىنىڭ قىزمەتكەرلەرى ەر ادامدى توسەك استىنان تاۋىپ، قاماۋعا الدى. كالۆەرگە ادامدار تۇرعان تۇرعىن ءۇي-جايعا ۇرلىق ءۇشىن كىرگەنى جانە پوليسيا قىزمەتكەرىنە كۇش قولدانباي قارسىلىق كورسەتكەنى بويىنشا ايىپ تاعىلدى. ءقازىر ۇستالعان ادام تۇزەۋ ورتالىعىندا وتىر.