Fly Arystan اۋەكومپانياسى جولاۋشىلارعا رەيستەردىڭ كەشىگۋى مەن توقتاتىلۋىنا بايلانىستى ماسەلەلەردى وزدىگىنەن شەشۋگە مۇمكىندىك بەرەتىن جاڭا قىزمەتتى ىسكە قوسقانىن حابارلادى، دەپ حابارلايدى infohub.kz سايتى.
اۋەكومپانيانىڭ ءباسپاسوز قىزمەتىنىڭ مالىمەتىنشە، كومپانيا رەيستەر كەشىكتىرىلگەن نەمەسە توقتاتىلعان جاعدايدا جولاۋشىلارعا ارنالعان جاڭا سيفرلىق وزىنە-وزى قىزمەت كورسەتۋ جۇيەسىن ەنگىزۋدە. جاڭا قىزمەت جولاۋشىلارعا كونتاكت-ورتالىققا حابارلاسۋدىڭ قاجەتى جوق، ودان ءارى ارەكەت ەتۋدىڭ قولجەتىمدى نۇسقالارىن ونلاين رەجيمدە وزدىگىنەن تاڭداۋعا مۇمكىندىك بەرەدى.
ۇشۋعا 72 ساعاتتان از ۋاقىت قالعاندا رەيس كەشىكتىرىلسە نەمەسە توقتاتىلسا، جولاۋشىلار بيلەتتى راسىمدەۋ كەزىندە كورسەتىلگەن WhatsApp نەمەسە ەلەكتروندىق پوشتا ارقىلى جەكەلەندىرىلگەن حابارلاما الادى. حابارلامادا رەيستىڭ وزگەرۋى تۋرالى نەگىزگى اقپارات، ونىڭ ىشىندە ۇشۋدىڭ باستاپقى جانە جاڭا ۋاقىتى كورسەتىلەدى.
WhatsApp نەمەسە ەلەكتروندىق حاتتاعى بىرەگەي سىلتەمە ارقىلى جولاۋشى جەكەلەندىرىلگەن ۆەب-پاراقشاعا وتەدى. تىركەلۋ نەمەسە قوسىمشا دەرەكتەردى ەنگىزۋ قاجەت ەمەس. پاراقشادا ناقتى رەيس، بيلەت جانە وزگەرىس سيپاتىنا قاراي قولجەتىمدى ارەكەت نۇسقالارى اۆتوماتتى تۇردە كورسەتىلەدى.
جاعدايعا بايلانىستى جولاۋشى: جاڭا ۋاقىتتى قابىلداي الادى — رەيستى اۋىستىرۋدى راستايدى؛ باسقا ۋاقىتقا نەمەسە كۇنگە ايىرباستاي الادى — بالامالى رەيستى تاڭدايدى؛ قايتارۋدى راسىمدەي الادى — ەگەر بۇل اۋەكومپانيا ەرەجەلەرىندە قاراستىرىلعان بولسا.
جەكەلەندىرىلگەن قىزمەتتى Fly Arystan-نىڭ بارلىق جولاۋشىلارى بيلەتتى ساتىپ الۋ ارناسىنا قاراماستان پايدالانا الادى. الايدا سيفرلىق پلاتفورما ارقىلى تىكەلەي قايتارۋدى تەك Fly Arystan رەسمي سايتىندا نەمەسە ءموبيلدى قوسىمشاسىندا بيلەت ساتىپ العان جولاۋشىلار عانا راسىمدەي الادى. تۋراگەنتتىكتەر نەمەسە ونلاين-اگرەگاتورلار ارقىلى بيلەت ساتىپ العان جولاۋشىلار بيلەتتى ساتىپ العان جەردە قايتارۋدى راسىمدەي الادى.
سونىمەن قاتار، جولاۋشىلارعا رەيس 5 ساعاتتان از ۋاقىتقا كەشىكتىرىلگەن جاعدايدا، اۋەكومپانيا ەرەجەلەرى ايىپپۇلسىز ءماجبۇرلى قايتا برونداۋ نەمەسە اقشا قايتارۋ مۇمكىندىگىن قاراستىرمايتىنىن ەسكە سالدى. مۇنداي جاعدايدا سيفرلىق قىزمەتتە جولاۋشىعا تەك «جاڭا ۋاقىتتى قابىلداۋ» وپسياسى قولجەتىمدى بولادى.