قازاقستاندىق لوۋكوستەر FlyArystan اقتاۋ — دۋباي — اقتاۋ باعىتى بويىنشا ۇشۋلاردى قايتا باستاۋدى تاعى دا كەيىنگە شەگەردى. بۇل جولى ءۇزىلىس كەمىندە 2026 جىلدىڭ 15 قىركۇيەگىنە دەيىن سوزىلادى، دەپ حابارلايدى infohub.kz سايتى.
باستاپقىدا اۆياكومپانيا بۇل باعىتتاعى رەيستەردى 29 تامىزدا قايتا باستاۋدى جوسپارلاعان ەدى، الايدا ءقازىر شەكتەۋلەر تاعى ەكى اپتادان استام ۋاقىتقا ۇزارتىلدى. سەبەپ — تاياۋ شىعىستاعى تۇراقسىز جاعداي.
«FlyArystan اۆياكومپانياسى اقتاۋ — دۋباي — اقتاۋ باعىتى بويىنشا رەيستەردىڭ ورىندالۋىن توقتاتۋ تاياۋ شىعىستاعى تۇراقسىز جاعدايعا بايلانىستى 2026 جىلدىڭ 15 قىركۇيەگىنە دەيىن ۇزارتىلعانىن حابارلايدى»، — دەلىنگەن تاسىمالداۋشىنىڭ رەسمي مالىمدەمەسىندە.
رەيستەرى بولماعان جولاۋشىلارعا ايىپپۇلسىز بيلەت قۇنىن تولىق قايتارۋ ۇسىنىلادى. ول ءۇشىن بيلەت ساتىپ الىنعان جەرگە جۇگىنۋ قاجەت.
ەسكە سالا كەتەيىك، بيىلعى جىلدىڭ ناۋرىز ايىندا FlyArystan ايماقتاعى تۇراقسىز جاعداي مەن اۋە قاتىناسىنا ەنگىزىلگەن شەكتەۋلەرگە بايلانىستى وسى باعىت بويىنشا ۇشۋلاردى ۋاقىتشا توقتاتقان بولاتىن. سول كەزدە دە جولاۋشىلارعا اقشانى تولىق قايتارۋ نەمەسە كەيىنگى كۇندەرگە تەگىن قايتا برونداۋ ۇسىنىلعان ەدى.