FlyArystan اۋەكومپانياسى اقتاۋ-ستامبۋل باعىتىنداعى تىكەلەي رەيستەردى قايتا باستايدى. ۇشۋلار وسى كۇزدە قايتا جاندانادى، ال بيلەتتەر تاسىمالداۋشىنىڭ رەسمي سايتىندا جانە ءموبيلدى قوسىمشاسىندا ءقازىردىڭ وزىندە ساتىلىمدا، دەپ حابارلايدى infohub.kz سايتى.
اۋەكومپانيانىڭ ءباسپاسوز قىزمەتىندە اتاپ وتكەندەي، العاشقى رەيس 2026 جىلدىڭ 22 قازانىنا جوسپارلانعان. 27 قازاننان باستاپ ۇشۋلار تۇراقتى تۇردە اپتاسىنا ەكى رەت — سەيسەنبى جانە سەنبى كۇندەرى ورىندالادى.
«تۇراقتى كەستە اياسىندا سەيسەنبى كۇنى اقتاۋدان ۇشۋ 08.40-قا جوسپارلانعان، ستامبۇلعا قونۋ 10.35-تە. كەرى رەيس ستامبۇلدان 11.40-تا ۇشىپ، اقتاۋعا 17.05-تە جەتەدى. سەنبى كۇنى اقتاۋدان رەيس 08.35-تە ورىندالادى، ستامبۇلعا قونۋ 10.30-دا. كەرى ۇشۋ ستامبۇلدان 11.15-كە جوسپارلانعان، اقتاۋعا قونۋ — جەرگىلىكتى ۋاقىت بويىنشا 16.40-تا»، — دەلىنگەن حابارلامادا.
بيلەت قۇنى ءبىر باعىتقا 36 054 تەڭگەدەن باستالادى.
قازىرگى ۋاقىتتا اقتاۋدان FlyArystan ۇشاقتارىمەن دۋبايعا، باكۋگە، كۋتايسيگە، باتۋميگە جانە ۇرىمشىگە ارالىق قونۋسىز ۇشۋعا بولادى.
بۇعان دەيىن «كۋرسيۆ» الماتى حالىقارالىق اۋەجايىندا FlyArystan اۋەكومپانياسىنىڭ اۋە كەمەسىندە وندىرىستىك وقيعا بولعانىن حابارلاعان بولاتىن. جوسپارلى تەحنيكالىق جۇمىستار كەزىندە ۇشاق بورتىندا ءورت شىققان.