دۋباي — تەل-اۆيۆ باعىتىندا ۇشقان Flydubai اۋەكومپانياسىنىڭ Boeing 737 جولاۋشىلار لاينەرى ساۋد ارابياسى ۇستىنەن بۇرىلىس كەزىندە اپاتتىق دابىل بەرىپ، تابۋك اۋەجايىنا شۇعىل قوندى. NUR.KZ ريا نوۆوستيگە سىلتەمە جاساپ حابارلاعانداي، كەمە كاپيتانى مەن ەكىنشى ۇشقىش جاراقات الىپ، مەديسينالىق كومەك كورسەتۋ ءۇشىن اۋرۋحاناعا جات قىزىلدى، دەپ جازادى infohub.kz سايتى.
ريا نوۆوستي Al-Arabiya تەلەارناسىنىڭ ۇشقىشتاردىڭ جاعدايى تۋرالى حابارلاماسىن اۋدارىپ كەلتىرەدى: «Flydubai لاينەرىنىڭ كاپيتانى مەن ونىڭ كومەكشىسى (ەكىنشى ۇشقىش — رەد. ەسكەرتپەسى) جاراقات الدى... ولار مەديسينالىق كومەك كورسەتۋ ءۇشىن اۋرۋحاناعا جات قىزىلدى».
بۇعان دەيىن ۇشاق ۇرلاۋ نەمەسە زاڭسىز ارالاسۋ دەگەندى بىلدىرەتىن 7500 كودىن بەرگەنى حابارلانعان. اۋە كەمەسىنە قاراي يزرايل اسكەري-اۋە كۇشتەرىنىڭ يسترەبيتەلدەرى كوتەرىلگەن، كەيىن لاينەردىڭ ساۋد ارابياسىنا قونعانى بەلگىلى بولدى.
Flydubai اۋەكومپانياسى يزرايلدىك تەلەديدارعا دۋباي — تەل-اۆيۆ رەيسىندە ۇشقىشتار اراسىندا توبەلەس بولعانىن مالىمدەدى. كوپ ۇزاماي ۇشاقتان العاشقى فوتو مەن ۆيدەو پايدا بولدى: سۋرەتتە شابۋىلداۋشىمەن كۇرەسكەنى بولجام ەتىلگەن جولاۋشى بەينەلەنگەن.
بيلىك ۇشقىشتاردىڭ ءبىرى ۇشاقتى ادەيى قۇلاتپاق بولدى دەگەن نۇسقانى تەكسەرۋدە. ونىڭ ارەكەتىن ەكىنشى ۇشقىش پەن ونىمەن كۇرەسكە ءتۇسىپ، اپاتتىڭ الدىن العان يزرايلدىك جولاۋشىلار توقتاتتى دەپ بولجانادى.
سونداي-اق Flydubai ۇشاعى ۇشقىشتارىنىڭ ازاماتتىعى تۋرالى تاعى ءبىر نۇسقا ايتىلدى. رەسەي مەن ۋكراينا ازاماتتىعى تۋرالى نۇسقادان كەيىن ۇشقىشتاردىڭ ومان مەن بىرىككەن اراب امىرلىكتەرىنىڭ ازاماتتىعى بار دەگەن دەرەكتەر شىقتى.
ودان كەيىن ۇشقىشتاردىڭ ءبىرى شابۋىلدان كەيىن پىشاق جاراقاتىنان كوز جۇمۋى مۇمكىن دەگەن اقپارات پايدا بولدى. بۇعان دەيىن دۋباي — تەل-اۆيۆ رەيسىندەگى توتەنشە جاعدايدى 180 يزرايلدىكتى ولتىرۋگە ارەكەت دەپ اتاعانىن حابارلاعان بولاتىنبىز.