اپاتتىق دابىل بەرگەن FlyDubai اۋەكومپانياسى ۇشاعىنىڭ ءبىر پيلوتى ۇشۋ كەزىندەگى شابۋىلدان كەيىن پىشاق جاراقاتىنان قازا تاپقان بولۋى مۇمكىن، دەپ حابارلايدى infohub.kz سايتى.
NUR.KZ اگەنتتىگى «يزۆەستيا» باسىلىمىنا سىلتەمە جاساپ، ول ءوز كەزەگىندە Walla اتتى يزرايلدىك باسىلىمعا سىلتەمە جاساعانىن حابارلايدى. اتالعان ۇشاق ساۋد ارابياسىنا شۇعىل قونعان. راستالماعان دەرەكتەرگە قاراعاندا، ءبىر پيلوت شابۋىلدان كەيىن پىشاق جاراقاتىنان قازا تاپقان بولۋى مۇمكىن.
«راستالماعان حابارلامالارعا سايكەس، اۋەدە پىشاق جاراقاتىن العان پيلوت ۇشۋ بارىسىندا قازا تاپتى»، — دەلىنگەن حابارلامادا.
بۇعان دەيىن باق-تا Boeing 737 جولاۋشىلار ۇشاعى ساۋد ارابياسى ۇستىنەن بۇرىلىس كەزىندە اپاتتىق دابىل بەرگەنى تۋرالى اقپارات پايدا بولدى. ول ۇشاقتى ۇرلاۋدى نەمەسە زاڭسىز ارالاسۋدى بىلدىرەتىن 7500 كودىن جىبەرگەن.
يزرايل اسكەري-اۋە كۇشتەرىنىڭ يسترەبيتەلدەرى ۇشاققا قاراي كوتەرىلدى. كەيىن اۋە كەمەسىنىڭ ساۋد ارابياسىنا قونعانى بەلگىلى بولدى.
سودان كەيىن Flydubai اۋەكومپانياسى يزرايلدىك تەلەارناعا دۋباي — تەل-اۆيۆ رەيسىندە ۇشاق بورتىندا پيلوتتار اراسىندا توبەلەس بولعانىن حابارلادى. جەرگىلىكتى ب ا ق ەكيپاج ەكى پيلوتتان تۇرعانىن، بىرەۋى رەسەيدەن، ەكىنشىسى ۋكراينادان ەكەنىن مالىمدەدى.
يزرايل پرەمەر-مينيسترى بينيامين نەتانياحۋ كەڭسەسىندە اپاتتىق دابىل بەرگەن FlyDubai اۋەكومپانياسى ۇشاعىنداعى توتەنشە جاعدايعا قاتىستى پىكىر ءبىلدىردى.
كەيىنىرەك ۇشاقتان تۇسىرىلگەن العاشقى كادرلار، سونداي-اق قونۋ كەزىندە تۇسىرىلگەن بەينەلەر پايدا بولدى. جولاۋشىلار قونۋ بارىسىندا ءان سالىپ، قول سوققان.
سونداي-اق FlyDubai اۋەكومپانياسى ۇشاعى پيلوتتارىنىڭ ازاماتتىعى تۋرالى تاعى ءبىر نۇسقا ايتىلدى. رەسەي جانە ۋكراينا ازاماتتىعى تۋرالى نۇسقادان كەيىن پيلوتتاردىڭ ومان جانە ءباا ازاماتتىعى بار ەكەنى تۋرالى دەرەكتەر پايدا بولدى.