FlyDubai اۋەكومپانياسىنىڭ ۇشاعىندا ارىپتەسىنىڭ شابۋىلىنان زارداپ شەككەن ۇشقىش — سميت ماچچحار ەسىمدى ءۇندىستان ازاماتى بولۋى مۇمكىن. بۇل تۋرالى infohub.kz سايتى حابارلايدى.
Hindustan Times باسىلىمىنىڭ دەرەگىنشە، ماچچحار دۋبايدان تەل-اۆيۆكە ۇشقان رەيستە ەكيپاج كومانديرى بولعان. سول كەزدە ەكىنشى ۇشقىش وعان پىشاق سالعان. وسىعان بايلانىستى ۇشاق ساۋد ارابياسى اۋەجايىنا شۇعىل قوندى. زارداپ شەگۋشىنىڭ جاعدايى تۋرالى مالىمەت جوق.
ماچچحار 2022 جىلدىڭ ماۋسىمىنان بەرى FlyDubai اۋەكومپانياسىنىڭ Boeing 737 ۇشاقتارىندا كوماندير بولىپ جۇمىس ىستەگەنى حابارلاندى. وعان دەيىن ول مۋمبايداعى SpiceJet اۋەكومپانياسىندا 11 جىل ەڭبەك ەتىپ، ەكيپاج كومانديرى قىزمەتىن اتقارعان، ال 2020 جىلدىڭ قاراشاسىنان باستاپ باسقا ۇشقىشتاردى وقىتىپ، تەكسەرگەن نۇسقاۋشى بولعان. پروفيلىندە 737-800 جانە 737 MAX 8، 9 ۇلگىلەرىندەگى ۇشاقتاردا 9 750 ساعات ۇشقانى كورسەتىلگەن.
باسىلىم سىلتەمە جاساعان LinkedIn پروفيلىنە سايكەس، ماچچحار FlyDubai اۋەكومپانياسىنا بىردەن اۋە كەمەسىنىڭ كومانديرى قىزمەتىنە كەلگەن. پروفيلدە ونىڭ SpiceJet اۋەكومپانياسىندا كوماندير رەتىندە 6 400 ساعاتتان استام ۇشقانى جانە FlyDubai نۇسقاۋشىلار توبىنا قوسىلعىسى كەلەتىنى جازىلعان.
يزرايل ااك-نىڭ يسترەبيتەلدەرى ۇشاققا قاراي كوتەرىلگەن. كەيىن اۋە كەمەسىنىڭ ساۋد ارابياسىنا قونعانى بەلگىلى بولدى. سودان سوڭ Flydubai اۋەكومپانياسى يزرايلدىك تەلەارناعا دۋباي–تەل-اۆيۆ رەيسىندە ۇشقىشتار اراسىندا ۇشاق بورتىندا توبەلەس بولعانىن مالىمدەدى. جۋىردا ۇشاقتان العاشقى فوتو مەن ۆيدەو پايدا بولدى. سۋرەتتە شابۋىلداۋشىمەن كۇرەسكەن جولاۋشى بەينەلەنگەن. ال بيلىك ۇشقىشتاردىڭ ءبىرى ۇشاقتى ادەيى قۇلاتپاق بولعان دەگەن نۇسقانى تەكسەرۋدە. ونىڭ ارەكەتىن ەكىنشى ۇشقىش پەن كۇرەسكە تۇسكەن يزرايلدىك جولاۋشىلار توقتاتىپ، اپاتتىڭ الدىن العان دەپ بولجانادى.
سونداي-اق ۇشقىشتاردىڭ ازاماتتىعى تۋرالى تاعى ءبىر نۇسقا ايتىلدى. رەسەي جانە ۋكراينا ازاماتتىعى تۋرالى نۇسقادان كەيىن ۇشقىشتاردىڭ ومان جانە ءباا ازاماتتىعى بار دەگەن دەرەكتەر شىقتى.
كەيىن ۇشقىشتاردىڭ ءبىرى شابۋىلدان كەيىن پىشاق جاراقاتىنان قازا تابۋى مۇمكىن دەگەن اقپارات پايدا بولدى.
سونداي-اق ب ا ق ۋكراينا مەن رەسەيدەن كەلگەن ۇشقىشتار جولاۋشى رەتىندە ۇشىپ، FlyDubai ۇشاعىنىڭ باسقارۋىن قولعا العانىن حابارلادى.