ForteBank جەكە تۇلعالارعا ارنالعان تەڭگەلىك دەپوزيتتەردىڭ كىرىستىلىگىن قايتا قاراستىردى، دەپ حابارلايدى infohub.kz سايتى.
جاڭا شارتتار 2026 جىلعى 7 تامىزدان باستاپ كۇشىنە ەندى. وزگەرىستەر جاڭادان اشىلاتىن دەپوزيتتەرگە قاتىستى، ال كەيبىر ونىمدەر بويىنشا – اۆتوماتتى تۇردە ۇزارتىلاتىن سالىمدارعا دا قولدانىلادى.
ءۇش ايلىق جيناق سالىمى بويىنشا نومينالدى مولشەرلەمە جىلدىق 17،52% دەڭگەيىندە بەلگىلەندى، اەج – 19%. التى ايعا مولشەرلەمە 15،63%، اەج – 16،8%، ال 12 ايعا – 14،85%، اەج 15،9% قۇرايدى.
تولىقتىرۋ مۇمكىندىگىنسىز جاڭا جيناق سالىمى بويىنشا دا شارتتار وزگەردى. اقشانى ءۇش ايعا ورنالاستىرعاندا مولشەرلەمە جىلدىق 17،6%، اەج – 19،1% قۇرايدى.
التى ايلىق سالىم ءۇشىن مولشەرلەمە 15،72%، اەج – 16،9% بەلگىلەنگەن. قاراجاتتى ءبىر جىلعا ورنالاستىرعاندا كىرىستىلىك 14،93%، اەج – 16% قۇرايدى.
بانكتە بۇل شارتتار 7 تامىزدان باستاپ اشىلعان ءتيىستى سالىمدارعا قولدانىلاتىنىن ناقتىلادى. ايتا كەتەيىك، بۇعان دەيىن Forte 3 تامىزدا دەپوزيتتەر بويىنشا جاڭا مولشەرلەمەلەردى جاريالاعان بولاتىن.
ۇلتتىق بانكتىڭ بازالىق مولشەرلەمەنى ەكى رەت تومەندەتۋىنەن كەيىن قازاقستاندىق بانكتەر دەپوزيتتەر بويىنشا شارتتاردى قايتا قاراۋدى جالعاستىرۋدا. نارىق قاتىسۋشىلارىنىڭ ءبىر بولىگى جەكەلەگەن سالىمداردىڭ كىرىستىلىگىن تومەندەتتى، الايدا وزگەرىستەر بارلىق ونىمدەرگە اسەر ەتكەن جوق، ال كەيبىر جاعدايلاردا ۇزاق مەرزىمدى دەپوزيتتەر بويىنشا مولشەرلەمەلەر ءتىپتى ءوستى: بارلىق جاڭالىقتاردى وسى جەردەن وقىڭىز.