فرانسيادا جوعارى سىنىپ وقۋشىلارىنىڭ نارازىلىعى ءبىر اپتادان بەرى جالعاسىپ جاتىر: وقۋشىلار وقۋ ورىندارىن بوگەپ، شارالار تارتىپسىزدىككە، ءورت قويۋعا جانە قۇقىق قورعاۋ ورگاندارىنىڭ قىزمەتكەرلەرىمەن قاقتىعىسقا ۇلاستى. فرانسيا ءىىم دەرەگىنشە، 160-تان استام ادام ۇستالدى، دەپ حابارلايدى infohub.kz سايتى.
NUR.KZ جەرگىلىكتى باق-قا سىلتەمە جاساعان ريا نوۆوستيگە سىلتەمە جاساپ حابارلاۋىنشا، نارازىلىق 180-گە جۋىق وقۋ ورنىندا وتكەن. شارالار نەگىزىنەن پاريج ايماعىن قامتىدى، سونىمەن قاتار ليلل، ليون، گرەنوبل جانە نيسسا سياقتى ءىرى قالالاردا دا بايقالدى.
جوعارى سىنىپ وقۋشىلارى ساباق كەستەسىنىڭ تىم اۋىرلىعىنا، مۇعالىمدەردىڭ جەتىسپەۋىنە جانە ءبىلىم سالاسىنداعى باسقا دا ماسەلەلەرگە نارازىلىق بىلدىرۋدە.
دۇيسەنبىدە فرانسيا ءىىم باسشىسى لوران نۋنەس نارازىلىق شارالارى بارىسىندا ەلدە 164 ادام ۇستالعانىن مالىمدەدى.
ول بارلىعى وقۋشىلار 27 مەكەمەنى بوگەپ تاستاعانىن، بۇل قۇقىق قورعاۋ ورگاندارىنىڭ ارالاسۋىن تالاپ ەتكەنىن ناقتىلادى. سونداي-اق تاعى 50 مەكتەپتىڭ كىرەبەرىسىن جابۋعا ارەكەت جاسالدى. قالعان مەكەمەلەردىڭ ماڭىندا ءتۇرلى وقيعالار تىركەلدى، ونىڭ ىشىندە زالال كەلتىرۋ جانە پوليسەيلەرگە شابۋىل جاساۋ دەرەكتەرى بار.
الدىن الا دەرەكتەر بويىنشا، 12 پوليسەي، 8 وقىتۋشى، ونىڭ ىشىندە 3 ديرەكتور، جانە شامامەن 12 وقۋشى زارداپ شەكتى.